يُزهر عالمي بكَ

الفصل الواحد والعشرون

Jawhara

********
_جدي يعجبك تصرفه هذا تعدي علينا !!
_ كملت كلامك
_ جدي ليش أحسك ماضايج من سوايته
_ عثمان يابة مراح تفهم علية خل احجيها من الاخير عمك فهد الله يرحمه أخذ بنتهم وتزوجها بدون علم حجي عزام وهذا سبب العداوة ابني هو السبب اني مراح احجي على بنتهم  لأن اعرف ابني شكد جان يحبها ويريدها تزوجها بالحلال وسافروا وبقى حجي عزام بقهره وشيع عليها ماتت و هو قصده مايريد أحد يجيب طاريها بعد

_قاسي وماعنده رحمه
_ حقه صعبه عليه مثلما هسة احنا ضجنا على جوهرة اتخيل نفسك مكانه
_ جدي اني مو مكان أحد حر نفسي ،، واكيد جوهرة تريدنا نوكف وياها
_ وتروح تهد على رجال أخذ مرته وتكبر السالفه والناس تشيل وتحط بينا والدفاتر القديمة تنفتح لا وليدي ماريد يصير هالشي
_ ونعوفها شلوون
_منو كال نعوفها هاي بنيتنه هسة اطلع بسيارتك لبيت حجي عزام

******

_ انت شنو ماكو احساس اكرررهك اكررهك
_ ملاحظه شكد تصرفين هاي الكلمه
_عمة طلال استهدي بالرحمن وصلنا لبيت عمي رافع خل بنتي ترتاح

_ عمة جوهرة مكانها ابيتي واي كلام ماريد بعد
_ عوفي ماما لا تتوسلين بي ماعنده كرامه يجبر وحدة متريده تعيش وياه
_ ولللللج منو ماعنده كرامه هاااا
_ احتقرك تعرف شنو احتقرك

التفتت عليها وسحبت أيدها وعصرتها بيدي أصابعها حسيتهم طكطكو بيدي صرخت بالم وبجت تحاول تسحب أيدها واني مركز بالطريق واسمع عمتي تتوسل حتى اعوفها

_ عمة طلال فدوة اذيتها عوفها

_ خل تعقل لا صدوك اكص لسانها ،،،
ولج اني  طلال مو حي الله واحد تغلطين عليه
_ اااه اذيتني هدها لايدي

تركت أيدها كامت تفرك بيها وتبجي ما اهتميت بس داخلي جنت مقهور عليها وعلى روحي هالبنت هاي مجاي اكدر ابعد عنها والظروف كاعد تعاكسني واني رغم كل الظروف متمسك بيها لو حتى اقسي مرات واحن عليها مرات بس ما اكدر اتخلى عنها
وهي ماتفهم شكد اني اريدها اعرف اني سبب بخوفها وكرها الية لأن ماتصرفت صح من البداية هواها ضرب گلبي وعقلي ماخلاني اتصرف صح واريدها تكون عندي بالبيت حتى ابدي وياها بداية صح

*******
كعدت الصبح من وكت توضيت وصليت ورتبت غرفتي وجهزت ملابسي اروح للمكتب نزلت اتريك البيت هدوء الظاهر محد كاعد التفتت على جهة الغرف باب غرفتهم مسدودة ارتاحيت لأن ماريد أصبح بخلقتهم هو وأمه

بعد الصار البارحه بالمكتب شكد غثيث ولزكة وانوب هذا هيمان من شافه مدري شلون كام يتصرف تخبل كل عقله راح اقبل اتزوجه
من كال راح اخطبها الليلة وعمو هشام بقى صافن عليه

قبل ساعات .......
أبيت هشام تحديدا .......

_ تفضل اشرب العصير ولاتبقى عاكد حاجبك سهلة أن شاء الله
_ عمي كلامي اليوم بالمكتب مجان عبث اني قصدت كل حرف بي وهسة عندك علم بهاي جيتي عدكم  ،،  غادة رايدها زوجة الية على سنة الله ورسوله
_ مايحتاج أكلك رايي بيك انت عزيز علية حيل وغادة اكيد مراح تتزوج احسن منك بس يا هيمان عندي شك واريدك اطمني وان شاء الله اني اساعدك
_ تامرني عمي
_ تريد غادة حتى تنتقم لو تحبها وتريدها زوجتك وام بيتك  لأن تصرفك وية سناء يخليني اشك بيك
_ عمي هالشي خاص بية بعدين انت شفتني حاولت يوم اقربلها وااذيها ،، ماسويت شي ولا اذيتها  اني البنت عاجبتني بيها كمية من الكبرياء حيل احبها وتعجبني
_وبس !!؟ يعني مثلا ما تحبها ؟!