يُزهر عالمي بكَ

الفصل السادس والعشرون

Jawhara

********

اتصلت على عمي هشام يدز ام غادة هسة سديته بدون ما احجي شي

التفتت على غادة مغمى عليها شلتها بحظني وديتها لوحدة من الغرف حطيتها عالجرباية ودنكت عليها جريتها من خشمها وضربتها بخفة على خدها اصحيها تبين رمشت يعني رجع وعيها ،،
عفت ورجعت لزهير العار اليوم إلا احرك عشيرته النذل
جان منتجي على أيده يريد ينهض سحبته من ذراعه بقوة ودفعته عالكاونتر الطخ ظهره صاح متوجع والدم ينضح من رأسه وحلكه ينزل على صدره
سبني ورجع يريد ينهض ماتحملت غلطه رفسته بقوة على بطنه عاط من الالم
دنكت كفخته وتفلت عليه
_ تفوو عليك يا عار ولك اني شكد حاقد على سامي وزوجته وخططت انتقم منهم وانتقمت بس ما فكرت اطعنهم بشرفهم ما فكرت اعتدي على وحدة من بناته
وكفت وسحبت موبايلي اتصلت على طلال
وفهمته الصار .........
_ طلال هسة اريده خارج العراق وممنوع يدخل مرة ثانية إلا بتصريح
_ انتظر الزلم أقل الساعتين همة عندك
_ تمام بس لا يتأخرون

********

وعيت على روحي من سحب خشمي رمشت واني احس بدوخه ورجع الصار وياية بذاكرتي شهكت بخوف واني اتلمس جسمي وملابسي احمدك واشكرك يارب لوما رب العالمين يدزلي هيمان جان هسة صخمني زهير النذل حسبي الله عليه
نزلت من الجرباية وطلعت برا الغرفة رغم احس اختلال بتوازني بس اريد اشوف هيمان اسوى بي اريد أخذ حيفي اريد امو ته
اسمع هيمان يحجي بعصبية تقربت أكثر وسندت ظهري عالحايط بالصاله وسمعت شنو كال !!!!!!!

دخلت فاكه عيني مصدومة من كلام هيمان ورجعت التفتت على زهير الي جان يلهث ودمه يصب
كرهته وتمنيته يمو.ت كثر ما رعبني ،، سحبت جدر فارغ جان عالكاونتر وشمرته عليه بقوة واني اعيط واغلط عليه
ضربة الجدر اجت بصدره وتدعبل عالارضية باوعت شحاطتي تكرمون بالكاع مشمورة دنكت شلتها ورحت اضربه على رأسه ،، هيمان سحبني بحظنه وذبني عالقنفه وزمخ بية
_ لا تنكسين ايدج بي خلي علية اني اتصرف ارتاحي انتي
سمعت كلام هيمان وكعدت عالقنفه وعيني عليه يستاهل الحقير شلون مذلول والله هيمان ذلة مخلاه يتنفس

*******

_يمممه بنيتي شنو الصار بيها ولج ماما غادة شبيج

رفعت راسي على ماما دخلت مفزوعه وعمو هشام وراها
حظنتني مصدومة من شافت زهير ومنظره الي كله دم وإصابات
عمو هشام سألني وعيونه بيها الف سؤال من شافنا .. طمنيني بابا انتي بخير
هزيت راسي بدون ما احجي بمعنى اي وهو تقرب على زهير ثنى ركبه وحجى بانفعال واضح
_ بدون محد يحجي تستاهل الصار بيك ولك وين انطي وجهي منك ومن فواينك مصارلك اسبوع و هيج صخمت ،، اسمع ولك ترجع للأردن ماشوفك هنا

_عمي هشام ردت اتصل بالشرطه بس خوفا على سمعه غادة غضيت عن هذا الشي بس ورب العزة مايبقى اليوم بكل العراق إذا يبقى طلقة برأسه واخلص منه لوما الله ستر جان غادة شرفها راح
_ صخم الله وجهك يا زهير يا ارررعن ولك تخبلت انت
ضربه دفرة على فخذه والتفت على غاده وامها الي جانت تبجي وحاظنه بنتها
_ حمدالله على سلامتج بابا ولا تزعلين مني انتي غلطتي اجيتي كعدتي بالبيت وحدج شوفي نهاية العناد وين وصلتج
_ عمي لا تلومها بلحظه الغضب كولشي نسوي