Jawhara
********
حسيت الصبح نايمه بعدني بحظنه اجيت اتسلل من الفراش اعترض وهو يرجع يدفني بحظنه
_ نااامي حبي
_هشام هسة تتأخر عالدوام
_ ميخالف خل اشبع منج
_ معلية اني مو تكول اخرتيني من وراج ههههه
_ احلى تأخير راح يكون
_ههههه تمام تمام تأخر لعد بس لاتنسى اليوم اختك توصل هي وابنها
_لا شلون انسى وهيمان معزوم عدنا اريد أطيب اكل من ايدج الحلوة
رفع ايدي وباسها وگلبي فرفر لتعامله الحلو وياية
_ مكلت يجي عالغدا لو عشا
_ على أساس غدا بس صارت عشا افضل
_شنو تحب احضر اريد رأيك
_ والله كل هذا مخلي الج انتي ام البيت وشتحبين اطبخي وإذا احتاجيتي شي بس خبريني
_ان شاء الله
_سروة إذا تعبانه عادي اتصل بمطعم يوصل الطلب
_ لااا هشام معقولة يمعود ترى سهله عندي احضر عزومة همة من كثرهم
_اعرفج معدلة وام بيت درجة اولى
_ فدوة اروحلك
_ فداج كولشي
*******
_ماما .. ماماا
_ يمج امي يمج بنيتي
_عطشانه
كمت فتحتلها بطل مي ورفعت راسها شربت شوية ورجعت رأسها عالمخده غمضت يمكن رجعت غفت
التفتت طلال بعده مرايح فتح الباب ودخل
_شلونها هسة
_ الحمدلله
_توقف النزيف !؟
عكدت حاجبي اجيت احجي سكتت جوهرة متتحمل مغثه
_ سالتج ليش متردين !!
_ طلال بنتي خطيتها بركبتك ليش هيج سويت بيها
حجيت بصوت ناصي واني التفتت لا تصحى جوجة لأن رجعت نامت مبينة
تنهد بصوت واضح .. اااه عمة اني احبها ومستحيل اتخلى عنها
_واليحب بنت هيج يسوي بيها
_ لاتفتحين موضوع اهم شي حاليا صحتها وصحة ابني
_ الحمدلله أن شاء الله الصبح احسن تكون
_ أن شاء الله ،، محتاجة شي حتى اوصي الحماية يجيبونه
_ لا ممحتاجة
_ جيد اني بالغرفه الي مقابيل غرفتكم اي شي يصير انطيني خبر
تقرب من سرير جوهرة ودنك باسها بخدها ورجع بأس كصتها وبقى مدنك عليها اسمع همس بس ماميزت كلامه
تحركت جوجه ورفعت أيدها لخدها
مسحته
_ اطلع برا ماريد اشوفك
صوتها التعبان ودمعتها بعينها قهرتني ما ابتعدت اريد اطمن عليها مسحت وجهها بيديه وحاوطته .. صيري زينة هسة لاتعصبين
_ اطلللع
_ باقي اطمن عليج وعلى ابني ديري بالج عليه
خليت ايدي على بطنها تحسستها جسمها تحرك رفعت راسها معترضه تريد تكعد ماتكدر لأن رجلها ماذيتها ومجبسة
_ اااه موجوعه ماما الالم ذبحني
أشرت لعمتي ترجع ماريد تتقرب عليها اني موجود وياها
_ شنو يوجعج احجي حتى أصيح الطبيبة
_ رجلي واصابيعي احسهم ممرودات
_ ممقصرة بيهم ماردتهم اووف اووف مراح احجي طيبي هسة والله كريم
باوعتلي بخزرة عين .. انت ليش باقي ماريدك اطلع من الغرفة ،، تعاي ماما وينج تعاي طلعيني للبيت ماريد ابقى هنا
أنت تقرأ
يُزهر عالمي بكَ
العاطفيةحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
