يُزهر عالمي بكَ

الفصل الثالث والعشرون

Jawhara

********

دخلت وسديت الباب لا يا الله هاي كل عقلها فاتحه الكنتور واطلع بالملابس وتبجي  ،، بسرعه رحت وسحبتها من ذراعها اخذتها لحظني وقفلتها ..
_ لا تبجين يبيتي لاتبجين فدوة ،، بوستها براسها اريدها تهدأ وايديه تمسح على كتفها وظهرها ،،
_ ما اكدر ابقى هنا ما اكدر واني اعرف بنتي مراح ترجع دام ابن اختك موجود وماريد اخليك بموقف محرج تختار بيني وبينهم لا مستحيل ذولي يبقون اهلك واختك الجبيرة

_ مو على كيفج ترحين منا شنو مزعطه احنا انتي ام البيت تامرين وتنهين والعنده كلام زايد يسد حلكه
اششش اسكتي يروحي كافي تبجين لاتقهرين روحج وتقهريني
_عوفني هشام فدوة انت مدا تحس بالنار الشابة بگلبي
_ لا سروة على بختج شلون ماحس بيج ورب الكون العالم بكفة وانتي وبنتج بكفة  ،، ماراضي على تصرفه اصلا طردته من البيت هسة يأخذ ملابسة ويولي يرجع يم أبوه
_ بس اختك مراح تقبل واني ماريد اسببلك احراج ماريد اخليك بموقف تبقى محتار بيناتنا
_ اختي اذا آدمية اخليها على راسي بس مال توكف وية ابنها بعدما هيج سوى لا والله ما ارضى عليها
_ ميخالف عيوني مهما يكون اختك الجبيرة
_ عوفج من كولشي لاتشغلين بالج بأحد اهم شي اهتمي بروحج وابنتج وطبعا بية همات لو اني مو مهم

خلت أيدها على حلكي تمنعني احجي اخذتها وبستها ورجعت سحبتها لحظني
_ لا لاهيج تكول انت سندي وروحي وزوجي وحبيبي الله يحفظك الية
_ ويحفظج يبيتي  ،، يلة رجعي ملابسج وروحي غسلي وجهج الحلو هذا ماريد تنقهربن هي. تجي غادة ماريدها تشوفج ضايجه
_ وين صارت اتصل عليها مترد
_ وين تروح هسة ترجع

********

_منو دا يتصل !!
_ ماما وما اكدر ارد عليها 

_ تمام اشربي العصير ارتاحي شوية
_ماريد اتاخر اكيد راح تقلق إذا عرفت
_غادة ابد لاتحسين بخوف وقلق اني وياج وشحده الي يضوجج
_ ويهمك هالشي ومن شوكت !!؟
_اكيد يهمني بعدين التصرفات والافعال هي الي تثبت مو صح
_ اي فعلا الإنسان موقف واكيد يبين بتصرفه
_تمام واني اريدج ترتاحين  ولا تفكرين بهذا زهير السكط
_هيمان اني اصلا من اول ما شفته ما طيقه  شنو قصده بهيج تصرف حقير
_ خل يولي هذا يغار ويحب يدك الناقصة حتى يضوج المقابل هواي سمعت عن سوالفه
_ انت علاقتك قوية بي !؟
_ مو ذيج العلاقه مجرد معرفه لا اكثر ولاتنسين هو من اقرباءنا 
_لعد شلون كدر يعرف رقمك ويدزلك مقطع عالواتساب
_ اي عادي احتمال كدر يحصله من موبايل عمي هشام

_اي
_انتي اهدي بعد ولاتفكرين بي تلكين عمي طرده هسة
_ طز بي
_طززين هههههه
ابتسمت لا ارادي من حجى دنكت واني أخذ العصير اشربه

*******

_ نادر خلص والله تعبانه واحس بالجوع هههه
_ ممسوي شي يله نامي بحظني
_ شكد الوقت !!
_ مدري ساعة تلاثه ونص يمكن
_ كولش جوعانه اكوم اشوف شي اكله
نزلت من الجرباية  واني الملم بشعري فتت للمطبخ شغلت الضوة ورحت طلعت كباب طاوة باقي من العشا حميته بالاوفن وسويت زلاطه وموجود صمون عندي رتبت صينية وكعدت عالميز اسوي لفة واكل ممم طيب اووف فعلا الجوع يعذب رغم تعشيت بس عبالك مماكله يمكن هرمونات الحمل وحامي عالاكل