Jawhara
********
طلع عثمان عالباب ولحكو ولد عمامه من عرفت طلال اجى جسمي رجف التفتت على جدي الي بقى كاعد
_جدو هذا شلون يجي هنا !!؟؟
_جنت أظن يجي قبل هسة تأخر وصوابه منعه ،، ابن العلوان ما يفوت ضربته وجاي يأخذ حقه
_جدو ليش تحجي بهدوء ترى اني ميته خوف والله
_ يخسى الخوف الي يمر ذكره على بالج شلون تخافين وانتي بنص اهلج تطمني بنيتي محد يوصلج
سكتت ورحت لغرفتي امي جانت موجودة حجيتلها الصار
_ صخام بس لا تعلك ولد عمامج مبينين سباع ومايسكتون
_جدو كال محد يصولج
_ اي عمي اعرف بعد الله يطول بعمره
بهالاثناء سمعنا صوت طلقه عطت وغطيت راسي بيديه خايفه ومرعوبة واحداث الصارت وياي كلها اجت على بالي انوب متت خووف
يم الشباب برا ،،،،،،
_ الك عين وتجي لبيتنا ؟!!!
_ اجي واشك حلكه اليحجي زايد اني اجيت أخذ زوجتي
_ماعندك مرة يمنا وأخذ حمايتك وامشي
_انجب لك منو انت حتى تحجي هيج وياي
_ اعرفك إذا جنت تجهلني اني عثمان حسين الرافع نقيب بقوات الرد السريع تريد انطيك اسم الفوج الي اداوم بي لا عبالك راح تخوفني
_ صيح جدك مالي حجي وياك
_جدي موكلني اني كول العندك
_ كتلك اجيت أخذ زوجتي لاقسم برب العزة اطلع أمر من المحكمه اسحلها لبيتي وغصب على شواربكم
_تخسى ما عاش الي يندك بينا
سحب مسدسه وضرب طلقه فوك راس عثمان الي بقى واكف ماتحرك ولا هزته صوت الرصاصة
تقرب وبصوت ناصي .. شايف الحماية ذول هسة بإشارة صغيرة اخليهم يكسرونك انت واخوتك
_ واضح من اجبنيتو وأخذنا بنت عمي وكدام عينك
ماتحملت كلامه واني صرت اعرف منو غريمي تليته من ياخة قميصه وضربته بوكس على حنجه فريت رأسه
رجع دفعني وهو يأشر لاخوته انو محد يتقرب
وجعني لأن دفعني عالجرح الي جان يادوب هاليومين ملتأم نغزة فززتني بس مابينت هالشي تدخلو منقذ والحماية وطوقوهم
انتبهت لصوت مرة ناعم عيني اجت بعينها وهي تدفع واحد من الحماية وتتقرب علية
يا الله شكد تشبه ميس اختي ما انكر گلبي رف الها
وكفت كبالي واجى حجي رافع وراها
_ ليش ولك ليش هيج سويت ببنيتي ؟؟
رمشت بعيوني واني احاول اسيطر على اعصابي الي جانت مفولة ماردت اغلط بحقها مهما يكون عمتي هاي وام زوجتي
_صيحي جوهرة لا ورب الكون ادخل اخذها وبالقانون وغصبا عالكل
اسمع صوت ولدهم اعترضوا بعصبية وصار حجي بينهم ما اهتميت اهم شي أخذ جوهرة
_ ها يبن العلوان اجيت تاخذ حقك منه يكول عندك حق زواجك باطل وراح نرفع عليك دعوة
_هاك اقرا لو خلهم احفادك يقرولك
أنت تقرأ
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
