Jawhara
********
جريت نفس قوي وهديته واني انزل من سيارة الأجرة بعدما حاسبته ،،
ما عدها علم بوصولي كولشي خليته طي الكتمان اريد اتاكد بنفسي لازم اراقبها وهاي صارلي يومين عالحال هذا واليوم قررت اجي للشقة الي ساكنة بيها هي وبنت صاحبتها
ضغطت بيدي على جرس الباب دقائق وانفتحت وصارت رزان كدامي اول ماشافتني شهكت دفعتها بصدرها ودخلت واني اسد الباب وراية
_ ه ..هيماان
_ اشوفج انصدمتي يا ترى الصدمة شنو أسبابها ؟!!!
_لا لا بس تفاجات بيك
_اسمعي رزان تجين وياية هسة للمختبر تسوين تحليل يثبت حملج لأن اني اشك انتي حامل
_ وليش حتى اكذب
_ اسالي نفسج ؟!!! شنو راح تستفادين
اعددلج المميزات زواج من رجال معروف بيت فلوس استقرار وانتي تعرفين زين مو هيمان الي يتخلى عن شي يخصه مو عاد اجي اتخلى عن ابني
_ ما اكدر اروح للمختبر لأن تعبانه خليها باجر
_ اني مستعجل وراية كثير أمور لازم اخلصها
_خلص على باجر ، تعال اكعد خل اضيفك لو حاسب روحك غريب
باوعت عليها أحسها متغيرة رفعت تك حاجب
ورحت فتحت الباب
_ تحضري باجر اجي اخذج
نزلت من الشقه واني احس اكو شي غريب بقيت بالشارع دقائق تلفتت عالمكان دكان صغير مقابيل العمارة رحت كعدت بداخل الدكان بعدما سلمت عالرجال وحبيت اساله كم سؤال وماشاء الله شبع فضولي بكلامه
اشتريت منه عصير وبسكويت وكعدت اكل وعيني على باب العمارة انتظر رزان تطلع ،، لأن حسب كلام صاحب المحل من سألته عرفها
فعلا نص ساعة وطلعت كاشخه وجنطتها بيدها وكفت سيارة أجرة صعدتها
اني بسرعه طلعت من المحل اخذت سيارة وكلت للسايق يبقى وراهم أكثر من ثلث ساعة وهي ما وصلت للمكان الي تريده ،، السايق طلع عربي مو كوردي افتهم علية انطيته فلوس زايدة حتى يبقى يتبعها
اني المنطقه اعرفها وعرفت رايحه لفندق من وكفت يم فندق مرة نزلت بي
دخلت الفندق وكفت على جهة اراقبها حجت وية موظف الاستقبال وطلعت بالمصعد
تقربت سلمت عليه وحجزت غرفه انطيته فلوس حتى ينطيني معلومات بداية رفض بس من زدت المبلغ حجالي على رزان انو أكثر من مرة تجي للفندق وانطاني رقم الغرفه
عفته وصعدت بسرعه بالمصعد واني اتوقع كولشي سيء
،،،
واكف اباب الغرفة بعدما جريت نفس قوي وأيدي على خصري وعيني عالباب بعدما دكيته مرتين
انفتحت الباب وعيني اجت على رزان الي واكفه مباشرة ورى الرجال الي فتح الباب فكت عينها مصدومة من شافتني
دفعته بقوة ودخلت هو اعترض ونتر بية
_اشششش ولا كلمه ،، وانتي ولج تعاي هنا
هذا منو متواعده وياه ها شبيج اخرسيتي
_ خل افهمك هذا مديري والله وعدنا شغل
_ مديرج مو على أساس بطلتي وكمتي تشتغلين بمركز تجميل
_وانت شعليك بيها يلة اطلع لا اتصل بالأمن يشيلوك
_اكل وحل ،، تعاي ولج منو هذا !؟
_ مدير مالتي بالشركه
_ وشعندج وياه هنا !!
_ لا مبين انت ادور مشاكل خل اتصل بالأمن مالت الفندق
YOU ARE READING
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
