Jawhara
*******
_ولج تخبلتي شكاعد تسوين وانتي ام جوهرة يمعودة عقلي بنتج ترى هاي روح بداخلها خطية وحرام الكاعد تسوي
_ ام عثمان لاتلوميها الصار وياها مو قليل
فقدت من ماما حجت مادريت بروحي اعيط واضرب على بطني حظنتني خالة ام عثمان وماما
اسمع صوت جدو دخل يسأل
_خير خير ليش هالعياط واصل ليبرا
_عمي جوهرة حامل تعال كولي شنسوي البنت راح تتخبل
_لاحول ولا قوة الا بالله اطلعن وعوفني يمها شو اطلعن
نتر بيهم وكلهن طلعن وسدوا الباب.
اني حاظنه جسمي وكاعدة عالجرباية وابجي
كعد جدو بصفي وأخذني بحظنه كام يقرا آيات قرآنية وادعية حسيت بهدوء شوية
مسحت دموعي وجريت حسرة وذبيتها احس بقهر كاتم روحي
جدو ماريده هذا مو ابني ماريده ماريد ابقي برحمي جدو امووت والله
_لا اله الا الله اهدي بنيتي اهدي خل اسولف وياج
رفعت راسي وسحبت شعري ورى ظهري
وعيني على جدو رافع مسد لحيته البيضا وبقى صافن بوجهي
_شنو الي يرضيج كولي حتى نسوي
_اجهضه ماريده فدوة جدو هذا بس يسمع مراح يطلكني
_ياجدو انتي كارهه الرجال وهسة مجاي تفكرين صح وخل يكون بعلمج تسقطين البطنج حرام الله مايسامحج ولا انتي تسامحين نفسج
_وشلون أحمله واولده وارضعه وهو يذكرني بالصار بية ويذكرني بابوه جدو وربي راح باليوم اموت الف موته
_لاحول ولا قوه الا بالله العلي العظيم اهدي شوية وكومي توضي وصلي واقري قرآن حتى گلبج يرتاح والله يوجه الخير
******
_صباح الخير شلونج جيهان
_هلو صباح النور هلو ام قيصر تعاي تريكي مدام الريوك حاضر
_ مشكورة تريكنا ونادر وصل قيصر للمدرسة
وكتله ذبني يم اهلي اريد اطمن على طلال
شلونه بعده مياكل
_ البارحه عالعشا بس اكل تفاحه مشرب مي واليوم من الصبح كعد راح للمقبرة هو وملوكه ماقبل يتريك
_اووف وتالي صارله اسبوع هيج حالته ااااخ
يربي برد گلبه يارب
فتت الداخل اسلم على جدو عزام جان كاعد بوسته براسه وأيده وكعدت بصفه عالقنفه بالهول
_ جدو اليوم انت تعبان
_ اي والله يبنيتي الحيل مو مثل الأول وصدمتي بوليد اخييج كسرت ظهري
_الله يرحمه والله يصبر طلال ويصبرنا على فراكه
_ الله يرحمه
_تريكت لو اروح احضرلك ريوك
_مرية رحمن الله يرضى عليها حضرتلي وانطتني العلاج
_اي الحمدلله رحمن التحق مو
_اي يكول مانطوني إجازة بس ثلاث ايام لخاطر العزا
_ تأخر طلال بالمقبرة مو على أساس طالعين من الصبح
_ اي هسة يجون
_ وين وليدج !؟
_بالمدرسة
_ابو قيصر ماكو وياج شعجب !
_ سحر تعبانه كولش ورجع عليها يوديها للمستشفى ورى مايوصل قيصر لأن السائق اليوم ما اجى هي شغله علاج يمكن أو جرعه محتاجه ما اعرف بعد
_الله يشافيها
_ جدو حبيت احجي وياك بطاري عمة امل
_لاتذكرينها شبيها تراها كاعدة عد حجي رافع ويكولون فرحان بيهن هي وبنتها
_جدو لعد انت ليش متسامحها خطية والله
_سدي سدي سالفتج هذا طلال رجع هو وبنيته
ESTÁS LEYENDO
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
