يُزهر عالمي بكَ

الفصل الخامس والعشرون

Jawhara

*********

_ خالة امل انتظري ملوكة تروح وياكم
_ اي عيني خل تجي شعدنا غير ملوكة الحلوة

رجعت ماما بعدما صاحتها جيهان على أساس ملاك تجي ويانه واني طلعت انتظر شفت جدو عزام طلع من المضيف اجى يتمشى قرب مني وعيونه علية يشوفني شلابسه ،، عندي فستان بسيط لون حنائي يوصل لنص الساق وليست عليه بشت اسود خفيف قماشه ومشغول ردنه بخيوط ذهبية فصال راقي وبسيط جان موجود وية ملابسي ففضلت البسه وشعري بقيت مفتوح لأن هو اصلا ناعم وعدل يوصل نص ظهري ..
ماحجى شي واني حسيته يريدني اسلم عليه اول شي تقربت دنكت بست أيده
_ شلونك جدو
_ هلة بيج يابة شلونها صحتج
_ الحمدلله
باوع لرجلية وسألني .. تكدرين تمشين خوما ياذيج
_ لا لبست شحاطه لأن الحذاء يضايقني
طلعت ماما وبيدها ملاك ياالله عبالك فراشة بالبدلة الاوف وايت وشعرها الذهبي فدوة فعلا حلوة تنكرط كرط تقدمت ودنكت بوستها بخدودها لأن ماسيطرت على روحي واني اشوفها
اسمع جدو يحجي وية ماما .. الله يهدي عباده ،،
ماما سكتت ماحجت اني اعرفه يقصدني

بالسيارة جدو كعد يم السائق واحنا ورى . السيارة حديثة ومريحه
دك موبايل ماما والتفتت علية وبصوت ناصي .. ولج والله دا تفشليني وياه
عكدت حاجبي بس ماحجيت عرفتها قصدها طلال اوي شذبح نفسه والله يا الله
انقطع الاتصال وبعد ما اتصل

*******

_صدك تحجي هاي شوكت !!؟
_ البارحه
_ عمي انطيني العنوان
_ هيمان مالي خلك عصبيتك شبيك هو اني ما قبلت ترجع وياية
_ ورب العزة ما اخليها على شنو كاعدة وحدها صار شي عليها
_ ماقبلت ترجع رأسها يابس هالبنت هاي
_ مو على كيفها شنو هيته خوما هيته ,, دزلي العنوان برسالة خل اروح اشوف شلون تبقى وحدها
_راح ادزه اصبرلي عليش مستعجل هي اليوم ما اجت للمكتب يجوز زعلانه علية هماتين
_ اووف

سديته من عمي هشام وانتظرت توصلني رسالته ومن وصلت طلعت من مكتبي بعدما وصيت امجد بكم شغلة تخص الشغل

جانت الساعه قريب ال ١١ الصبح الشارع الي موجود بي البيت حيل هادىء طبكت سيارتي قريب من البيت بعدما سالت شاب حتى اعرف بالضبط اي بيت منهم

جريت نفس قوي واني مستعد لكل كلام راح اسمعه منها اعرفها مرات لسانها متبري منها واكيد راح تبقى تلغي
عكدت حاجبي وخزرت عيوني واني اسمع صوت طالع من البيت بداية ما كدرت افسره بعدين الصريخ الي سمعته خلاني انجن دفعت الباب بقوة بدون ما ادكه اريده ينفتح ما انفتح مقفول رجعت خطوات للورى اعاين الباب والسياج حتى اطفر عليه ،، حسيت ملابسي تضايقني إذا كمزت نزعت السترة وشمرتها عالباب وبسرعه طفرت من السياج
واني احس اعصاب مابقت عندي واني اسمع صريخ غاده

********

خفت لاترجع شفاء ماريد تأخذ مكاني ،، اذيته مو اي اي اذيته
_ شبيج سحر شبيها شفاء
_ لا تعوفني عليك الله نادر لاتعوفني
مسدت أيدها الي بقت بيدي من دخل الدكتور سألته واني اشوفها ترجع تغمض عيونها اعرفها بدون وعي تحجي وعرفت قصدها شنو اووف وربي عذاب
_ دكتور حالتها انتكست وجاي تخربط بالحجي
_ اي فاقده لأن حالتها تتراجع عن اول ما اجت بقت رحمة الله يرحم حالها