يُزهر عالمي بكَ

الفصل الثاني والثلاثون

Jawhara

*********
_بابا انت تعبان ارتاح فديتك
_عوفي سناء بابا محتاج يحجي وية هيمان
_ لعد ليش ميقبل بغادة الي هي بنته
_انجبي سناء ممنوع تحجين واجيبين طاريها 
_ ماما والله حرام الكاعد تسوينه انتي وبابا
_ مو انتي تعلميني التهي بروحج ومعليج
_ اششش خلص لاتتعاركن يم الوالد وانتي ماما واضح مسيطرة وممخليته يفكر عنده بنت ثانية لاحول ولاقوة إلا بالله

_ هيثم لاتفتحلي سوالفك القديمه وروح صيح الدكتور خلي يجي يشوفه ليش هيج انتكست حالته
_ طالع وهم اتصل على عمي هشام عندي حجي وياه

حجيت وية الدكتور الي كال حالته صعبه وبقت على رب العالمين
مارجعت كتلهن بقيت ساكت ومقهور على وضعه فقررت اتصل مرة ثانية على عمي هشام لأن البارحه اتصلت وعدني يبلغ هيمان
كملت الاتصال ورجعت الغرفه وكفت يم راس الوالد الي فاك عينه يباوعلنا بدون ميحجي ودموعه تنزل 

********

_الو وينك ؟!!!
_هلة عمي مشغول والله بالمكتب
_ رحت من اتصلت البارحه عليك
_ لا مارحت واتمنى تعذرني
_ مراح اعذرك ابو هيثم حالته تعبانه كولش وصى عليك تحديدا حتى على بنته ما وصى رادك انت حتى يحجي وياك ترى الرجال حالته خطرة حسب كلام الطبيب
_ عمي يعني شنو الراح استفاده اذا رحت
_ يا ابني طلبك بالاسم والرجال تحت سجينه عزرائيل
_ تمام هسة اطلع للمستشفى

********
_هلو هيمان وين جنت !! اروح احضرلك العشا
_ماااريد شي منج ولي من وجهي
انتبهت ملامحه ونظرته قاسية شبيه وانوب زمخ بية جفلني والله وانقهرت
_ هاي واني منتظرتك لأن تاخرت هيج تسوي

تقرب علية خازرني بعيونه وسحب شعري بيده وبعصبية
_لسانج اكصه إذا تعلين صوتج فااهمة ولج
_ايييي هد شعري شبيك تخبلت !!!
أيده زحفت لرقبتي ضغط بأصابيعه خنكني ودفعني عالحايط
كولش خفت منه نفسي يصعد وينزل بصدري
لااا الرجال تخبل هذا شلون هيج يعاملني

صرخت بصوت مخنوك وأيدي تحاول تدفع أيده اريده يطلق سراح رقبتي ضاغط عليها
دفرته برجلي بقوة ما عافني عاط بية وعيونه حمر صارت
_ ولج تأكدت هو الي قتل أبوية النذل يريدني اسامحه حس روحه تطلع راح يموت وصى علية
فكيت عيوني أكثر واني احرك راسي واتوسله يعوفني وهو ما اهتم كثر ما مقهور
_ الله لايسامحني إذا سامحته الله لايسامحني .. يكلي عطلت فرامل السيارة وخليت واحد يتبعه انكلبت بي سيارته وجان مجروح وكملنا عليه بلحظتها حتى لا يعيش
شايفه هيج اجرام حتى يأخذ أملاكه هالثروة هاي ملك أبوية وملكي وهو وعائلته يتنعمون بيها
ورب العزة ورب العزة اق ت ل الكل ومايرفلي جفن كثر القهر الي بگلبي
تعرفين شنو هسة احساسي ندم ياكل روحي لأن تزوجتج انتي بنته دمه يجري بدمج هذا الشريان الي يجري برقبتج اكطعه حتى تنتهين
هدني وأشر بإصبعه بقوة على مكان النبض واني الخوف يقرأ الف عندي