Jawhara
********
_عمه انتي راضية على تصرف نادر_اسم الله شبيج نزلتي طايرة من فوك انتي تعبانه على كيفج وية روحج
_ مليت من روحي والكاعد يصير بية ونادر متغير
_ الشيخ مايوم كدر خاطرج يراعي الله بيج لا تظلمين حظج
_ سمعت ابو عمر يحجي وية مرته كاللها الشيخ بالمزرعة هو وابنه قيصر ومرتب بيت المزرعه لأن شفاء راح تكعد بي_ شفاء مرته انتي ليش ضايجة
_ وين جانت لعد وليش تزوجني من هو مقرر يرجعها لو عباله اموت حتى عنده مره جاهزة_ استغفري لاتظلمين رجلج هو من زمان يريدها وهية راكبة رأسها ماترجع
_اي كوليها يحبها واني يطبني مرض من اكولج متغير تكولين لا
_ والله حيرتيني وياج لاتبقين تحركين بروحج وانتي مريضة مو زين عليج
بعدين انتي شعليج بيها هي بعيده عليج مو يمج عليش مكدرة خاطرج_نادر يحبها عمه ومتمسك بيها حتى غرفتها مقفولة مايقبل أحد يفتحها
سكتت ام نادر وسبحتها بيدها تسبح بيها متريد تحجي وجنتها تنقهر ويزيد مرضها
صاحت على مرة ابنها نذير ..
_ هباوي يمه تعاي هنا
_اجيت عمه اامريني
_بنيتي طلعي اللحم من المجمده خلي بالمي يفك وروحي جهزي حشوة كباب عروك خل نسوي العشا
وين وفاء شنو مارجعت من أهلها اليوم ما اجت هنا حتى الجهال مالهم حس !؟_ قبل شوية حاتم جابهم هي والجهال سمعت صوتهم بالبيت
_لعد متجي شعدها خاتلة ابيتها روحي كملي شغلج وصبحي مرة عمر تساعدج بالعشا
_شبيها مرة عمر اجيت والله عمه بس سمعت اسمي ههههه
_اي عمة الله يرضى عليجن تساعدن انتي واخيتج وحضرن العشا
_صار من عيوني تدللين عمة
_ الله يسعدجن يمه
_ شدعوة دعاء أكلتي عمة وشربتيها
_ياه شبيج عيني سحر عمتي واحب ادللها بالحجي
_ كملن يمه عوفن السوالف،،، هبة زوجه نذير
دعاء زوجه عمر
وفاء زوجه حاتم
سحر زوجه الشيخ نادر*******
_انت وينك اتصل ومترد ؟!
_سيدي واكف بالباب ومحد طلع
_انزل دك الباب وارجع اتصل عليةدقايق انتظر اتصال واحد من الحماية التابعين الية دزيته يجيب جوهرة
رن موبايلي فتحته ..
_مموجودة والباب مقفولة بقفل وزنجيل
سديته بسرعه واني الغضب تملكني زمخت بصوت قوي على الحماية
_منقذذ تعااال_نعم سيدي
_تاخذ كم رجال وياك وتروح على هذا العنوان أريده خلال ساعة بمكتبي فاهم
_امرك سيديبسيطه جوهرة يعني انهزمتي بس وين ترحين لو تختفين هم أعثر بيج
بقيت بالمكتب انتظر كملت شغلي وسويت اتصالاتي وعندي اجتماعين اجلتهم لغير وقت
YOU ARE READING
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد