Jawhara
*******
طول الطريق واني ابجي بسبب السواه بية الحقير الله لا يوفقه الله ينتقم منه
ما انتبهت عالطريق شلون وصلت سمعت السايق حجى كال وصلنا
فتحت الباب بسرعه ونزلت صارت امي بوجهي لابسة عباتها واكفه بالباب صخام بوجهي شاكللها شاحجي من شفتها زدت بجي
كمت اطلب النفس كوة سودة علية ماما من شافتني فكت عينها وبقت على وكفتها جامده
دخلت البيت وهي وراي ساكته قفلت الباب الجبيرة ورجعت قفلت باب البيت بيدين تتراجف
وامي عينها وراية متحملت عاطت وهي تشمر عبايتها بالكاع
_ولللج احجي شبيج !!!؟؟؟
وكعت من طولي عالكاع واني ابجي واضرب وجهي
سحبت ايدي وهي تكعد كبالي وعيونها مليانه خوف زمخت بية
_جوهرة احجي ترى ماظل براسي عقل
ماكدرت احجي اختنك صوتي ومن هيج شافتني كامت تلطم على صدرها ووجها
_ولج أحد اعتدى عليج ولج احجي لاتبقين ساكته
شهكت من سمعتها حجت واني اتذكر واعيد الصار وياية .......
عودة قليلا............
_حلفتك بالله لاتاذيني
_تالي وياج ولج اني بس اشر النسوان تركع جوا رجلي وانتي على شنو شايفة روحج
_ منو انت اصلا ما اعرفك!!!
_تتذكرين من حجى وياج أحد حمايتي جنتي طالعه من الفندق ليش عود جنابج ما قبلتي ها احجي ترى جنت بس اريد اسولف وياج هيج بكعدة وناسة لا اكثر
_اني مو مال هالسوالف اني بس اغني وارجع للبيت ماعندي اختلاط والله
_ تمام ولهذا اختاريتج انتي الي وبس افتهمتي
نترت بي واني احاول ادفعه من فوكاية .. لاااا مو على كيفك اني اصلا ما اطلع حفلات بس استخطيت البنت الصغيرة كالو عيد ميلادها والظاهر كله كذب وخدعه حتى توصلي
قرب رأسه وأخذ شفتي بقوة خلاني ما اتنفس وجهي احمر اختنكت ابتعد عني واثنينا نلهث سحبت هوا احاول اتنفس وكمية الرعب شلت جسمي
ما عافني تقرب أكثر وهو يحاول يجردني من ملابسي كمت اصرخ وادفر برجلية واتلوى بجسمي تخبلت ضربني على راسي .. اششش وجع وجع شهالصوت ما اسمع حرف فاهمه
تنفست بقوة واني اسحب روحي على جهة من الفراش واباوعله بخوف مسح وجهة وبقى صافن علية
وبعدها خلاني مصدومة من كال
_ اسمعي جدامج خيارين ماكو ثالث بيهم
يا اما اخذج هسة وتصيرين الية لو اتزوجج متعه كدامج عشر دقايق
_انت واحد متخاف الله ولك انت منو منين طلعتلي الله ينتقم منك
_اشش ولج حرف ما اسمع منج والله هسة اخذج لاعبالج مهتم انتي عجبتيني دخلتي مزاجي وراح اسوي الي أريده
_انت متعرف الله لاجيب ذكر الله على لسانك
تقرب مرة ثانية حظني بقوة كمت اصرخ صوتي انبح ماعندي طاقه اتحمل كل هذا الضغط
هددني بصوت قوي وهو يعيد الي كاله قبل شوية
_بد العد التنازلي فاتت دقيقتين فكري بسرعة يلة ماعندي وكت
YOU ARE READING
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
