Jawhara
*******
اسمع صوتهم بالمطبخ دخلت ..
_السلام عليكم
ردتلي السلام بصوت ناصي وابني من شافني اجى علية حظنته وحبيته من خده
_هلة بالذيب
باوعت لشفاء ملتهية عالسنك واكفه وظهرها علينا شاورت قيصر .. شسوي امك
ردلي بهمس ..
_ تسويلي تراب الملوك
_شنو هذا اكل
_امم هههه
_يلة ماما تعال اكعد هذا صحنك اكل
حطت ماعون عالميز وراح قيصر كعد ياكل ورجعت حطت ماعون ثاني وجطل عينها علية .. تفضل اذا تحب اجربه طيب
سحبت الكرسي وكعدت وبديت اكل صدك طيب
_يابة عاشت ايدج
_الف عافية
_يعافيج
اكلت قليل موهلكد بالتحلاية شفتها تريد تطلع من المطبخ .. شفاء
التفتت علية
_سويلي جاي
_اي تدلل
_تسلمين
بقيت عيني عليها ولفت نظري لبستها للحجاب هاي كل عقلها كلما اشوفها حجابها براسها
باوعت لقيصر كمل اكل .. روح غسل وادخل غرفتك أقرا
_ماما قرتني خلصت راح اروح العب بالايباد
_خوش بس لاتبقى وكت طويل ساعه واجي اشوفك
عافنا وطلع بقينا وحدنا كملت صب الجاي من خدر وخلت الاستكان عالميز
_تعاي اكعدي
_اروح اصلي
_صلي وارجعي انتظرج
طلعت بسرعه واني بقيت وحدي كملت الجاي وطلعت موبايلي اكلب بي تاخرت وين راحت
كمت قفلت باب المطبخ ورحت لغرفه قيصر منبطح عالفراش وبيده جهازه سديت الباب وطلعت لغرفتي دخلت وقفلت الباب
التفتت علية جانت واكفه بسد الكنتور وبيدها شالها خلته على شعرها
بخطوتين تقربت منها وسحبته .. ترى هذا مايمنعني عنج !!!
رفعت راسها الي ونظرة عتب واضحه بعيونها راح تخبلني نظراتها تكتل اووف ربي متحملت اخذتها لحظني وافترست شفايفها احس روحي رجعت الي بعدت راسي أخذ نفس وعيني عليها وجها احمر وجسمها جمد بحظني ماكدرت اتخطى احساسي بيها رجعت مرة ثانية وثالثه فقدت عليها إلى أن حسيتها تبادلني لهفتي يلة حررتها سحبتها وكعدت عالجرباية وهي بحظني نفسي يصعد وينزل بقوة همست بحرگة .. ورب العزة ماجنت عايش حياتي بدونج
متوقعت تبجي نزلت راسها وجسمها يختض عرفتها تبجي اخذتها لحظني .. اششش ليش البجي ياابوية
هزت راسها وشهكت .. عوفني
_ اهدي خلص بعدين ماعوفج شلون اعوفج
_تذكرت كلماتك جرحتني وهنتني وكتها
_ جنت مصدوم ورب الكون مدري شلون حجيتهن وكتها اعتذرت وانتي جنتي قافلة ماتتفاهمين
_ نادر شتريد مني ابقى ساكته
_الله اسمي حلو بلسانج
_لا تغير الموضوع اني جنت منهارة اسمعك تكول مو ابني هذا منين جبتي بعدني اول نفاسي مامر يومين على ولادتي نفسيتي تعبت كرهتك وكرهت روحي
جريتها وأخذت رأسها بين أيدية حبيتها بخدها وكصتها .. ارجع واكولها اسف عيون نادر بس لاتبجين لاتخلين هالعيون الحلوة حزينه
مسحت دموعها بيدي وبقيت اباوع عليها سكتت وجسمها تململ بحظني
_خل اغير ثوبي اريد انام
_ممم خوش اني هم اريد انام خل انزع عكالي والشماغ هاج علكيهم
YOU ARE READING
يُزهر عالمي بكَ
Romanceحقد وانتقام وعودة لأخذ ثار بعد سنين طويلة وبين كل هذا الظلام هناك زهرة جميلة نبتت وسط هذه الأحقاد
