يُزهر عالمي بكَ

الفصل الثلاثون

Jawhara

********
تقرب بخطوات هادئة والبسمه واضحه على وجهه ،، بدون اي تخطيط هجمت عليه واني اضربه على صدره بيدي وصوتي أحسه مخنوك بالبجي
_ ليش ضحكت علية ليش اصلا تزوجتني  تريد تنتقم مو اي تريد تنتقم
مكمت اشوف شي من كثر الدموع الي نزلت عيوني غوشت
سحبني من ايديه وضغطني بحظنه ..
_ ولج شبيج احجي شنو هالتصرف هذا ؟؟!!
_لاااا تلزمني هدني هدني دا اكلك
_لا حول ولا قوه الا بالله لج بابا غير افهم سبب تصرفج الغريب هذا شنو فلمج غاااده احجي ترى هاي الحركات متعبر علية
جريت روحي بسرعه منه ومسحت عيوني واني احس وجهي تلطخ بالمكياج بس ما اهتميت
_ أنت احجي انت كول شنو ضام علية انت متزوج وتضحك عالبنات وترجع اطلكهم واني نفس المصير
_ انتي تخبلتي شنو اطلكج غاده يعمري اهدي خل نسولف بهدوء
_ لاتكول عمري كذااب
_غااادة خلص نفذ صبري اني ما اتحمل ولاتلعبيهن علية لأن مراح يعبرن سوالفج انتي سويتي هاي الهوسة حتى لا اتقربلج  ،، احجي ولج

رفعت اصبعي بوجهه واني فهمت قصده نترت بعصبية
_ احترم نفسك اني ما افتعل شي بس انت السبب انت
_ ولج هسة غير افهم ذبحتني بس تكمزين ومافهمت قصدج
_ اجت بنت وحجت عليك جانت زوجتك وطلكتها
_ رزان !!
_ يعني تعرفها يعني صح كلامها
_شنو حجت وياج تعاي اكعدي اهدي وسولفيلي
_ مراح اكعد ولا اهدا ،، انت تواعد البنات تتزوجهن واطلكهن واني وحدة منهم ومصيري معروف
_ اكيد تخبلتي شلون اطلكج لج بابا تعاي واهدي شوفي الصار بحالج ،، استغفر الله يارب
_طبني طب لاتكولي اهدا واني مصدومة بيك
_ والله محد مصدوم غيري انت الي سويتي فلم حتى لا اتقربلج

_ ومراح اخليك اطخني شعرة وحدة مراح تلزمها انت فاهم لو لا

_انجبي انجبي ،،
دفعني عالفراش وهو يقفل أيدية بين أيديه  وهمس بخشونه يم اذني
_ امنعيني وشوفي الراح يصير بيج انتي كل عقلج راح تعبر علية سالفتج ،، وهاي انتي كلج بحظني مو بس شعرة وحدة يلة جربي امنعيني
_ابعدد خنكتني
_ غاااده !!!
أيده تتلمس جسمي بطريقة استفزازية خلتني اكره قربه عضيته من أذنه اريده يبتعد ضربني سطرة على خدي ورفع رأسه وزمخ بية وأشر بإصبعه ..

_ اسلوبج وياية كاعد يعصبني  ليش متخليني اتقربلج ليش تدورين حجج حتى تبعديني وتالفين قصص من راسج

_انت واحد مخادع وتريدني اخليك تلمسني مستحيل
_ وهذا ملعوب منج حتى لا اتقربلج والشك لعب براسي

أيدها على خدها الي سطرته قبل شوية وفكت عيونها مصدومة من كلامي
_ ما اسمحلك تشك بية انت تخبلت شلون هيج تحجي وياية
_واكسر راسج مو بس احجي وياج

ابتعدت راحت بزاوية الغرفه وهي تحاول تنزع البدلة رحت عليها جربتها من أيدها واني مصمم عالبالي وبدون تراجع ...
_ تعاي خل اتاكد لأن راح ارتكب جريمه والله
عاطت من رفعتها بحظني وذبيتها عالفراش
والعصبية والرجفه سيطرت على جسمها
وهي تصيح
_ انت تريد تغطي على سوالفك  انت حتى ما اعترفت جنت متزوج