يُزهر عالمي بكَ

الفصل الثاني والعشرون

Jawhara

*********

دخلت لمكتب عمي سلمت وبقيت واكف
_ هلة هيمان خير ليش عصبي صاير شي
ايدي على خصري وأيدي الثانية مسدت لحيتي وكزيت سنوني بعصبية ورجعت أشرت بايدي ..
_ شنو علاقة زهير بغاااادة اريد افهم وانت اكيد مراح تخفي شي علية

كام هشام من مكتبه واجى وكف قريب عليه مستغرب كلام هيمان
_ هاي شنو السالفة منين جبتها ليش هي غادة منين تعرفه  مجرد صارلها يومين ثلاث من عرفته
_  لا تعرفه وبينهم سوالف وضحك والله اعلم شكو بعد

_ اششش ولا حرف غادة بنت نقية وماتعرف حيل البنات انت متستحي هيج تحجي عليها

_ مووو اني الي اكول تعال شوف ابن اختك شكاتب ودزلي مقطع فديو يضحك وياها بحديقة بيتك وجتف بجتف طاخين هذا شنو معناه هااا ،، واني من تشوفني لابسه وجه جينكو معاجبها بنت الكلب

_اهدا لاتصيح لاتنسى نفسك ترى مكتب هذا وموظفين لايسمعونك ويبقون يحجون بالبنت وهي بريئة

_ ما اهدا الا اليوم اطيح حظه لزهير وربي اعرفه نذل وتوصلني أخباره وسوالفه المكسرة

_عمو ...
العفو إذا مشغول ارجع بعدين

التفتت على غادة ورفعت تك حاجب واني مشهد ضحكهم بالحديقة وهي قريبة على زهير شوية وتصير بحظنه خبلني

نترت بيها  .. تعاااي وليش بعدين وينه زهير اليوم اكيد هسة كاعد بمكتبج تكملون سوالفكم مالت الصبح انتي وياه وشوي وتوكعين بحظنه بالمرجوحه

_ احترم نفسك شنو هالاسلوب الهمجي هذا وانت شكو شنو الي يخصك اصلا
_ اكلي وحلللل افتهمتي لولا

_ لااا حيييل زودتها منو سمحلك تحشر نفسك بحياتي
_ اسمح لنفسي وانتي الممنونه فاهمه ولج لو افهمج بطريقتي

_ عمووو هشاام  !!!
صحت عمو لأن خبلني هذا ما اعرف شبي ومنو مسلطه علية من الصبح يا الله نظراته تفترسني أحسه حاقد علية هسة اني شعلية بزهير هذا الي مدري منين طلعلي

لحظه ! خل افهم هذا شنو كال !؟
على اساس نضحك بالحديقة واني بحظنه !!!عززا العزاك هاي شوكت عرف واني قبل ساعتين من صار هالموقف وياي وضوجني بوقتها
رتبت أفكاري والتفتت عليه واني اجر نفسي بقوة لأن توترت حيل

_ انت منين عرفت اني جنت كاعدة بالمرجوحة ؟؟!!!
_ خلص هيمان سد الموضوع ترى كبرت السالفه وهي متسوى والله
_ وهذا شنو بنظرك ميسوى موو

طلع موبايله وفتح المقطع الي وصله عالواتس
وشوفه لهشام الي عكد حاجبه والتفت لغادة الجانت واكفه بعد خطوات منهم

هشام راح لمكتبه سحب موبايله واتصل بزهير

_ هسة تجي المكتب دقيقة متتاخر
سده واشرلهم ..
_اكعدوا لا مثل الديوكه شوي وتتناكرون