Reincarnated as a Binibini

KABANATA 12

Nagising ako mula sa katok na nasa labas. “Binibini, ipinag utos po ni Donya Ilaura na gumising na raw po kayo.” rinig kong sigaw ni Carla sa labas.

“Gising na ako!” sigaw ko pabalik.

Tinakpan ko ng unan ang mukha ko, ang aga-aga ko magising dito sa totoo lang!

Gusto ko pang matulog eh. Hindi ba uso na tanghali ang magising dito?

Pero naalala ko pala na nasa sinaunang panahon ako, hays!

Tamad akong umupo sa higaan bago humikab.

Kaantok!

Biglang bumukas ang pinto at nakita ko si Carla.

“Magandang umaga, binibini.” nakangiti nitong bati.

“Morning.” bagot kong saad bago tumayo at dumiretso sa cr.

Hinubad ko na ang suot kong white na Maria Clara dress na ako naligo, buti nalang at maligamgam ang tubig dito.

Nang matapos ay lumabas na ako syempre may tapis ako ng tuwalya ‘no, dumiretso ako sa aparador at kinuha ang kulay pulang baro‘t saya.

Napatingin ako sa paligid at nakita kong wala si Carla, mukhang lumabas na siya

Pumasok ako sa may pangharang, hindi ko alam ang tawag dito pero dito madalas nag bibihis yung mga napapanood ko sa t.v.

Sinimulan ko nang suotin ang damit at kaagad ding pumunta sa salamin para mag aayos ng buhok ko, bawal bang ibuhaghag nalang ang buhok ko rito?

Lahat kasi nang nakikita kong babae ay naka-bun yung buhok.

Ime-messy bun ko nalang ang buhok ko, kahit nandito lang sa loob ng bahay kailangan ko paring mag suot ng baro‘t saya?!

Ang hirap naman pala maging kaaya-ayang babae!

Nang matapos na ako sa lahat-lahat ay saka lang ako lumabas at bumaba.

Dumiretso ako sa hapagkainan at naroon na nga ang dalawang matanda, nag kwekwentuhan at nag tatawanan sila.

Aalis pa ba ako?

Parang ang hirap naman nila iwanan! Lalo na‘t napakabait ng pamilya ni Isabella.

I sighed, ngumiti ako at naglakad na ulit para salubingin ang dalawa.

“Magandang umaga ama at ina.” pagbati ko sa dalawang matanda kaya napatingin sila sa pwesto ko.

“Bihis na bihis ka ngayon anak, saan ang iyong punta?” tanong sa akin ni ama.

“Wala naman po, dito lang naman.” sagot ko.

Bawal bang pumorma kahit nasa bahay lang, ama? Kung pwede lang ako mag suot ng t-shirt at jeans dito ginawa ko na eh.

Kaso naalala ko na bawal palang makita ang malaswang katawan ng babae, tss.

Pero hindi naman malaswa ang t-shirt at jeans e.

“Mamaya ay aalis tayo, wag kana mag palit at ganiyan nalang ang iyong suotin.” sagot ni ina na siyang ikinatuwa ko na naman.

Aalis na naman ulit kami! Na e-excite na naman ako, baka ito na rin yung chance na makita ko ulit yung matandang babae.

“Saan po tayo pupunta ina?” tanong ko.