Unicode
"ရှောင်ခယ်"
"ရှောင်ခယ် ဒါလုပ်စမ်းပါ"
မုရှောင်ခယ် သည် သူ့ပတ်ဝန်းကျင်ရှိ ရင်းနှီးသောအသံနှစ်ခုကိုကြားလိုက်ရတာကြောင့်မျက်လုံးဖွင့်ရန် ရုန်းကန်နေရသည်။ အသံနှစ်သံက သူ့ဘေးမှာရှိနေသည်။မုရှောင်ခယ် သည် လွတ်မြောက်ရန် စိတ်အားထက်သန်နေခဲ့သည်။ သူသည် တစ်သက်လုံး ညှဉ်းပန်းနှိပ်စက်ခြင်းကို ခံခဲ့ရပြီး ထိုအသံများကြောင့် ငရဲကိုထပ်မသွားချင်တော့ပေ။
သို့သော် မျက်လုံးဖွင့်ကြည့်လိုက်တော့ သူ့ရှေ့က အရာအားလုံးက သူ့ကိုအံ့သြသွားစေသည်။ဒါက သူသေဆုံးသွားတဲ့ တောထဲမှာမဟုတ်ဘဲ သူ့အိမ်၊ သူ့အိမ်ဟောင်းဖြစ်နေသည်။
သူသည် နှင်းဆီပန်းဥယျာဥ် ထဲတွင်ရှိပြီး သူ့ဘေးတွင် သူ့မိဆွေဟောင်း သုံးယောက်ဖြစ်တဲ့ သူ့အစ်ကို ၊ ဖူကျားယွီ နှင့် Rong Yanzhe(ရုံန်းရန်ကျန့်) ရှိသည်။
လူသုံးယောက်က သူ့ကိုကြည့်နေကြတယ်။ စကားသံများသည်နားထဲတွင် ဆူညံနေသည်။ ရုတ်တရက် သူ့အစ်ကိုက သူ့ကို ထောပတ်ကိတ်တစ်ပိုင်းကိုပေးလာတယ်။
သူ့ကို ထိတ်လန့်စေသော ပုံရိပ်များသာ သူ့စိတ်ထဲမှာ ကျန်ရစ်ခဲ့သည်။ သူအရမ်းထိတ်လန့်သွားပြီး လက်ကိုဝှေ့ယမ်းလိုက်သောကြောင့် ကိတ်မုန့်သည်ကျသွားသည်။ မုရှောင်ခယ်သည် ထိတ်လန့်တကြား ထရပ်လိုက်သည်။ လူသုံးယောက်က သူ့ကို နှိပ်စက်နေပုံရတယ်။ သူသည် စားပွဲနှင့် ကုလားထိုင်များကို ဖြတ်လျှောက်သွားပြီး အသည်းအသန်ပြေးသွားသည်။
သူ ပြေးချင်တယ်၊ သူတို့နဲ့ ဝေးဝေးကို ပြေးချင်တယ်!
ဖမ်းမိလို့မဖြစ်ဘူး! သူ့အစ်ကိုကို စိတ်ဒုက္ခပေးရင်
Rong Yanzhe က သူ့ကို အပြစ်ပေးလိမ့်မယ်၊
ဖူကျားယွီ က သူ့ကို ပိုတောင်မုန်းသွားမှာ သေချာတယ်။
နှင်းဆီဥယျာဉ်တွင် ထောင့်များနှင့်ချောင်ကျတဲ့နေရာများစွာရှိသည်။ ငယ်ငယ်တုန်းကတော့ ဒီမှာ သူ့တူမတွေနဲ့ တူတူပုန်းတမ်းကစားရတာ ကြိုက်တယ်။ သူကြီးပြင်းလာချိန်မှာတောင် အဲဒီချောင်ကျတဲ့နေရာမှာနေကြတုန်းပဲ။
YOU ARE READING
အသံတိတ်လေး၏ပြန်လည်မွေးဖွားလာခြင်း
FantasyThis is a translation novel. Author permission not yet sought but I have to translate because I like it very much. So I apologize to the original author. A very respected author - 穆青延
