အသံတိတ်လေး၏ပြန်လည်မွေးဖွားလာခြင်း

Chapter-38

Unicode

ချူဟန် ဖုန်းချသွားပြီးနောက် သူ့ကွန်ပြူတာကို ပြန်ကြည့်သည်။မုရန် Film ၏
"Looming Plum Season" ဝဘ်ဒရာမာတွင် ရင်းနှီးမြှုပ်နှံရန် ကွန်ပျူတာတွင် စာချုပ်တစ်ခုရှိသည်။ ရင်းနှီးမြုပ်နှံသူ ရှမင်းဟန် က ရင်းနှီးမြှုပ်နှံမှု၏ 43% ကို လက်မှတ်ရေးထိုးခဲ့သည်။ မုရှောင်ခယ် မတော်တဆမှုမဖြစ်မီကဆိုလျှင်၊ သူသည် ဤမျှကြီးမားသောအချိုးအစားကို အမှန်တကယ်ယူလိုခြင်းရှိ၊ မရှီတုံ့ဆိုင်းနေသေးသော်လည်း ယခုမူ မုရန် သည် သူ့လက်ထဲသို့ တိုက်ရိုက်ကျသွားစေလောက်အောင် နောက်ထပ်ယူချင်သေးသည်။

    မုရှောင်ခယ် မတော်တဆမှုဖြစ်တဲ့နေ့မှာ
လင်းကျင့်က ဖုန်းဆက်ပြီး ဒီကိစ္စကို ပြောပြခဲ့ပါတယ်။ လင်းကျင့် က ဒီကိစ္စကို နှိမ့်ချပြီး မုရှောင်ခယ် ဟာ သိပ်ပြီးစိတ်ထိခိုက်မသွားခဲ့ပါဘူးလို့ပြောခဲ့ပါတယ်။ ထိုအချိန်တွင် ချူဟန်သည် ခံစားချက်မရှိသော်လည်း ထိုညတွင် မုရှောင်ခယ်ကသူ့ကိုအော်ဟစ်အကူအညီတောင်းခဲ့တာကိုအိပ်မက်မက်ခဲ့သည်။

မျက်လုံးတွေမှိတ်ထားလိုက်တာတောင် အိပ်မက်ထဲက နာကျင်မှုတွေကို တွေးနိုင်သေးတယ်။ မုရှောင်ခယ် သည် မျက်လုံးများနီရဲပြီး တိတ်တဆိတ်အော်ဟစ်ကာ လက်များကို ဆန့်ထုတ်၍သူ့အားအကူအညီတောင်းသည်။ သို့သော်အိပ်မက်ထဲတွင် သူမည်မျှပင် လက်ကိုဆန့်တန်းထားသော်လည်း မုရှောင်ခယ်၏ လက်လေးကို မထိနိုင်ပေ။ ထို့နောက် မုရှောင်ခယ်သည် သေလုမြောပါးဖြစ်ကာ တောထဲ၌လဲကျသွားသည်ကိုမြင်လိုက်ရသည်။

    ထိုမြင်ကွင်းက ချူဟန် ကို လုံးဝ နိုးကြားစေခဲ့သည်။ နိုးလာပြီးနောက် သူ့ရင်ဘတ်ထဲက နားမလည်နိုင်တဲ့ ဒေါသတွေက ဘယ်လိုမှ မပြေပျောက်နိုင်တော့ဘူး။

      အဲဒီနောက်မှာတော့ မုရှောင်ခယ်ရဲ့ ပုံရိပ်တွေကို မြင်လိုစိတ်ပြင်းပြနေသောကြောင့် မုရှောင်ခယ်ဖုန်းခေါ်တာကို နှစ်ရက်လောက် စောင့်ဆိုင်းခဲ့တယ်။ မုရှောင်ခယ်သည်သူ့ကို ရှောင်နေပုံရသည်။ မက်ဆေ့ချ်တောင်မှမပို့ဘူး။

    ချူဟန်သည် ဒေါသအရမ်းထွက်နေသော်လည်း သူရဲ့ဒေါသကြောင့် မုရှောင်ခယ်အား ထပ်မငိုချင်တော့ပေ။ နောက်ဆုံးမှာတော့ ချူဟန် က သူ့ကို စာမေးပွဲမှာ ပထမဆုရလို့ ဆုချရုံတင်မကဘဲ သူ့စိတ်တွေ တည်ငြိမ်လာဖို့လည်း မျှော်လင့်ပါတယ်။