Hindi po laruan ang akin damdamin
Pagkatapos gamitin at mag landian
Bakit ganyan ka, kung 'di kayang angkinin
At mangangakong 'di kayang manindigan
Ano sa una ka lang pala magaling
Nagtanim ka ng rosas pero balingbing
Ang halimuyak ay nakakatililing
Nang sa'yo lalo ako ay mahumaling
Uulitin ko hindi ako laruan
Pagkatapos gamitin iiwan lang d'yan
Yung tipong tapos mo na pakinabangan
At pagsawaan, tikman at paraosan
Hindi ako mumurahin na nilalang
Ginto ako nang likhain ng maylalang
Mahalaga ako at dapat igalang
Dahil 'di ako laruan patapon lang
Hanggang dito na lang ang dulot mo sa'kin
Ito ay nagbigay bangongot sa akin
At habang buhay ko na itong dadalhin
Ang pighati na dulot sa'kin damdamin
Grabe ang hagupit ng latigong rosas
Tinik nito'y nagbigay sugat at gasgas
At ang nagpatulog sa akin ng wagas
Kailanman 'di na makikita ang bukas
YOU ARE READING
Talaang Tula
PoetryAng mga Panulaan, Tula, Poem o Spoken Poetry ay kumakatawan sa kultura, Panitikan pilipino, At iba pa. Ang mga Tema at Pamagat ay Tulang Likha ng may AKDA na nag lalaman ng Katotohanan at Imahinasyon, maaring totoo maari rin kuro-kuro at ang iba ay...
