Ikaw ang pinaka unang
Lalaking, pusong natigang
Segundo ako humahanga
Sayo'y ako laging tanga
Yung pagmamahal ko sayo,
Ay mga sinunod na payo
Noon na magiging tayo
Upos nalang ng sigarilyo
Habang tumatagal ito
Unti unting naglalaho
Sa bawat paghithit nito
Mas lalong hindi na buo
Sa umpisa masaya pa nga
Laban kahit mukhang tanga
Kinikilig makita ka
Pabibo pag na riyan ka
iba ang atin mundo
Matino at ang Magulo
Masaya pagsinusundo
Tapos paksa pangsadulo
Tinanggap ko ang bisyo mo,
Ang paninigarilyo mo
Kahit ayoko sa usok
Tiisin lahat ng sulok
Kahit mag kaibigan lang
Ang paramdam mo sa aking
Okay, basta kasama ka
At mapaliligaya ka
Pero habang tumatagal
Unti-unting sumusugal
Sa pinapangarap natin
Sa mga mundong sasapitin
Gayun pa man sana ikaw
Masaya sa mundong ilaw
Ako ay mananatili
Pagmamasdan ka sa huli
Taon na ang pagtitig ko
Kinalimutan mo ako
Ikaw ay may kasintahan
Habang ako ay luhaan
Oh niño sinayang mo'ko
Na riyan lang sa tabi mo
Yaring pusong naghihintay
At unti-unting natamlay
Kaya sa bawat hithit mo
Unti-unti naging usok
Ang mga pag-asa ko sayo
At humalo sa mga pook
Ang nadarama ng puso
Ko, ay naging upos, abo
At hindi nababalik pa
Sa puso mong kinakapa
YOU ARE READING
Talaang Tula
PoetryAng mga Panulaan, Tula, Poem o Spoken Poetry ay kumakatawan sa kultura, Panitikan pilipino, At iba pa. Ang mga Tema at Pamagat ay Tulang Likha ng may AKDA na nag lalaman ng Katotohanan at Imahinasyon, maaring totoo maari rin kuro-kuro at ang iba ay...
