Sandoval Series # 1 : The Stars Tonight (Soon to be published)

Chapter 19

Mabilis na lumipas ang mga araw. Naging busy ako dahil start na ang pasukan namin at si Gaston naman ay ganun din sa planta. Kailangan niyang magdoble kayod dahil silang dalawa lang ni Kuya Gustavo ang namamahala sa lahat ng mga negosyo nila.

Pansamantala kaming nakatira sa mansion nila habang pina-finalize pa ang plano sa magiging bahay namin. Nakausap ko na ang mga arkitektong sinasabi niyang kilala niya. Sina Architect Villegas at Architect Valderama at ang asawa niya si Engineer Sapphira. 

Nung last meeting namin, tinanong nila ako kung ano ang mga gusto kong ipadagdag sa design nila. Actually wala na akong maidadagdag pa. Kahit nga maliit na bahay basta matatawag ko lang na amin ni Gaston ayos na ako doon. Para sa akin iba ang feeling kapag may sarili kaming tahanan ng asawa ko.

Wala naman akong ibang masabi dito sa mansion nila. Hindi naman masungit sa akin ang mama ni Gaston pero hindi ko rin masasabing okay kami. Hindi niya ako kinakausap pero hindi rin naman niya ako sinusungitan. Kapag nasa iisang lugar kami sa loob ng mansion nila para lang akong hangin na hindi niya nakikita.

Minsan nakikita ko siyang ka-video call si Annika. Nagtatawanan silang dalawa. Madami silang napag-uusapan at ang saya nila tingnan. Epokrita ako kung sasabihin kong hindi ako nagseselos dahil sino ba ang hindi? Gusto ko rin sanang mapalapit sa kanya dahil ina siya ng asawa ko pero kahit anong gawin ko siya talaga ang umiiwas sa akin.

"Oh, you should visit me some time, Darling. I miss our girl bonding. Alam mo naman dito sa bahay puro lalaki ang mga kasama ko."

Ako po senyora pwede po ako, masarap din ako ka-bonding. Kukuhanan ko kayo ng uban sa ulo at e-ma-masahe ko ang paa niyo. Yun sana ang gusto kong sabihin pero sinarili ko na lang. Alam ni senyora na malapit lang ako sa pwesto niya dahil nangunguha ako ng mga tuyong dahon na nahulog sa pool. 

"Gustavo is stressing me lately. He's always coming home late, always busy in the dairy farm. Sobrang nagbababad doon. Mas gusto pa atang kasama ang mga baka kesa sa amin."

Hindi po ang mga baka ang pinagkaka-abalahan ni Kuya, Senyora. Alam ko dahil nabanggit sa akin ng asawa ko. Pero hindi ko pwedeng sabihin kahit kanino. 

"Gaston?" Bahagya akong natigilan pagkabanggit niya sa pangalan ng asawa ko. "He's fine, doing great. I think he's not mad anymore. You know him more that anyone else. Mabait yung anak ko, kaya minsan naabuso." She said the last word like she really meant it. 

Naabuso ko ba ang kabaitan ng asawa ko kaya nasabi iyon ng mama niya? Tatanungin ko ba siya mamaya? Pero kung tatanungin ko baka magalit ito sa mama niya at yun ang ayaw kong mangyari. 

"What makes you busy nowadays? Bakit hindi mo ako bisitahin dito?"

Naglakad ako malapit sa pwesto ni senyora, hindi dahil gusto kong makinig pero yun na lang ang parte ng pool ang hindi ko pa nalilinisan. 

"Investigating?" medyo napalakas ang boses niya doon. " Are you working with the police this time?" bahagya pa itong tumawa. " Why it would surprise me?" she said something but I didn't hear it cause she lowered her voice.

"Oh? Really? I will wait for that, Darling. Anyway, send my regards to your Mom and thank you for the bag. It's so lovely, I love it."

Hindi ko na hinintay pa na matapos ang usapan nila. Iniwan ko na siya at pumasok na akong kusina. Magluluto ako ng turon na saging ngayon na pang amanpulo ang sarap pero sa murang halaga. Yun daw ang paborito ni senyora at syempre ng asawa ko. 

"Tulungan na kita Camilla. Baka tumalsik yang mantika sa kamy mo mapapagalitan kami ng asawa mo." Siya si Nana Mariana, mayordoma ng mga Sandoval. Siya ang palagi kong kasama sa kusina. Siya din ang nagtuturo sa aking magluto ng mga paboritong pagkain ng asawa ko na hindi ko alam lutuin noon.