Sandoval Series # 1 : The Stars Tonight (Soon to be published)

Chapter 41

"Indi nako magpuli sa Iloilo, diri lang ko kila Lolo kag Lola kay damo ta. Ari kamo de, mga pinsan ko, may kahampang ko. Didto sa amon waay ko kahampang, ako lang tana." Dinig kong sabi ng anak ni Caleb na si Wyatt habang nakikipaglaro kay Castor at Pollux. Alam kong hindi siya naiintindihan ng kambal pero matiyaga pa rin itong nakikipag-usap sa kanya.

[Hindi na ako uuwi sa Iloilo, dito nalang ako kina lolo at lola. Andito kayo, mga pinsaon ko, may kalaro ako. Doon ako lang mag-isa, wala akong kalaro.]

Naglalaro ang mga ito ngayon kasama ang babaeng kambal na anak ni Kuya Gustavo at ang babaeng anak ni Thunder. Ang saya nilang tingnan magpipinsan. Si Hera at Athena ay nagsasalita sa wikang bisaya, si Ameeya naman ay english speaking. 

"Kahibaw naka mosakay ug kabayo, Wyatt? Di naka mahadlok?"  [Marunong ka nang mangabayo, Wyatt? Hindi ka na natatakot?]  Tanong ni Hera kay Wyatt, na ewan ko lang kung naiintindiha naman nung isa dahil hindi ito sumagot.

"You mean, horse back riding, Hera?" Si Ameeya ang sumalo para kay Wyatt. "Yeah he knows a little. Dad taught him yesterday.  You're not scared to ride your horse now, right Wyatt?" Tumango naman ang anak ni Caleb sa anak ni Thunder. 

Kung hindi ko kilala ang mga tatay nila iisipin kong quadruplets ang mga ito. Maliban sa halos magkasing edad lang silang apat, magkakamukha pa. Si Hera at Wyatt, kulay asul ang mga mata, si Athena ay itim, si Ameeya ay amber. Dagdagan pa ng mga anak ko ka kulay asul at kulay gray ang mga mata. Para silang mga batang manika. Magkakamukha pero iba't ibang kulay ang mga mata. 

"How about you Pol and Cas, do you know how to ride horse?" si Ameeya.

"You have to call them Kuya, they are older than you Ameeya." pagwawasto ni Hera sa kanya. "Same with us you have to call us ate, because we are older than you."

"We're not using Ate ang Kuya back home." Ameeya reasoned out, pouting.

"You are in the Philippines, you have to learn how to use ate and kuya. Yun ang turo ni Mommy sa amin. Tsaka magagalit si Daddy if marinig ka niyang hindi tumatawag ng ate at kuya kasi sign daw yan ng respect. Even Athena she's calling me Ate even though we are twins."

"Do I really have to? We're almost the same height." maarte nitong sabi. Siguro hindi talaga sanay sa ganung tawagan.

"It's not about the height, Ameeya. Even Castor and Pollux, they have to call us Ate because we are older than them." 

Kahit mukhang naguguluhan pa, walang nagawa si Ameeya kundi ang tumango sa sinasabi ng anak ni Kuya Gustavo. Lalo at mukhang palaban itong si Hera.

Sa kambal na anak ni Kuya si Hera ang palasalita. Si Athena ay tahimik lang, parang si Pollux din na nakareserba ang ngiti at bawat salitang lumalabas sa bibig. Samantalang si Castor, Wyatt, Hera at Ameeya ang kanina pa nagdadaldalan. Sila ang nagbubukas ng topic kahit iba iba ang lengwahe nila. Ewan ko nga paano sila nagkakaintindihan. 

"I'm so happy that finally kumpleto na ang mga apo ko."

Nabaling ang tingin ko kay Papa. May ibang ningning ang mga mata niya habang nakatingin sa mga bata.

"Nung nawala ka, akala ko wala ng pag-asang makita ka namin ulit. Sobra ang pagsisisi namin buong pamilya. Nagkagulo-gulo ang buhay namin. Ang daming nangyari sa mga buhay namin. Naaksidente si Gaston, may nangyari din kina Gustavo at sa asawa niya. Mabuti nalang at nandyan ang mga kapatid nila. Sila ang dahilan na hindi magkawatak watak ang pamilya."

Sinulyapan niya ang triplets at ang kambal  na ngayon ay tumutulong sa paghahanda ng pagkain. Si Cairo at Hunter ang nag-iihaw ng isda at karne at si Caleb naman ang naghihiwa ng mga prutas at tumutulong kay Senyora sa paghahanda. Thunder ang nagbabantay sa mga bata na nagsisimula ng malaigo sa pool. Si Cleopatra, may hawak sa anak ni Kuya Gustavo kausap ang asawa nito habang si Kuya Gustavo naman at si Gaston ay seryosong nag-uusap.