Near the love (Complete)

Near the Love 49

Uni

ဆေးရုံကုတင်ပေါ်တွင်လှဲနေသောသူကိုကြည့်ရင်း Roshan ငိုနေမိသည်။ လက်ကောက်ဝတ် ဆီမှ ပတ်တီးဆီအကြည့်ရောက်မိပြန်သည်။

ထိုနောက် ထိုပတ်တီးပေါ်ကို အနမ်းဖွဖွပေးမိပြီး
"မင်းကွာ....ဘယ်လောက်တောင် ဒုက္ခခံနေလို့ ဒီအခြေအနေထိတောင်ရောက်လာရတာလဲ ဟမ်!" ဆိုကာ မျက်ရည်များ အတားအဆီးမရှိကျလာလေသည်။

ခေါင်းမာသောသူကြောင့် ခုတော့ သူကိုယ်တိုင်ခံရလေပြီ။ ခုရက်ပိုင်းထဲ သူ့ကိုအားမရခဲ့တာ သို့သော် သူက မိမိရှေ့တွင်ဝေဒနာခံစားရတာမပြသောကြောင့် အရမ်းကြီးမဆိုးဘူး၊ ပုံမှန်ဖြစ်စဥ်လို့ထင်ခဲ့တာ ခုတော့မှားပြီ....

ဦးနှောက်ကင်ဆာ.....
မယုံကြည်သောကြောင့် ကိုယ်တိုင် စစ်ဆေးခဲ့သော်လဲ တူညီသောအဖြေက ထွက်လာစမြဲ....
နောက်ဆုံးတော့ လက်မခံချင်သော်လဲ လက်ခံခဲ့ရလေသည်။

နောက်ကျနေပြီလားဆို ဟုတ်ပါတယ်......
နောက်ကျလုဆဲဆဲဖြစ်နေပြီး မှီဖို့ရန်လဲ မဖြစ်နိုင်တော့......

"မင်း ငါ့အနားကနေ တစ်ခုမဟုတ် တစ်ခုနဲ့ထွက်သွားဖို့ ကြံရွယ်နေတာပဲ....ငါ့မှာတော့ မင်းမျက်နှာသာကြည့်ပြီး ရှင်သန်နေရတာကွ....မင်းဘယ်သူ့ကိုပဲ ချစ်နေပါစေ မင်းပျော်ရွှင်နေရင်ပြီးရောဆိုတဲ့ စိတ်နဲ့ ငါနေနေတာ...ခုတော့ အဲ့လိုလေးတောင် ငါ့အတွက် အခွင့်အရေးမရှိဘူးလားကွာ"

Roshan တစ်ယောက်ထဲ ငိုကြွေးနေသည်ကို အခန်းအပြင်မှ ထူးစစ်သော် တို့လဲ ကြည့်ရင်း စိတ်မကောင်းကြ...

Death က အပြစ်ရှိသူဆိုသော်လဲ ဘေးနားက Roshan ကိုကြည့်ရင်း စိတ်မကောင်းဖြစ်ကြရလေသည်.......
"ကိုလွန်း Roshan မှာ အပြစ်ရှိတယ်လို့ ယူဆထားကြတယ်"
"အမှန်ပြောရရင်တော့ ဟုတ်တယ်...သူက Death ရဲ့ မကောင်းမှုတွေကို သိပါလျက်နဲ့ ဖုံးကွယ်ပေးထားသူလေ....ကြံရာပါ ဆိုပြီးလဲ ယူဆလို့ရတယ်...."

နှစ်ယောက်သား လဲ ထိုမြင်ကွင်းကိုကြည့်ရင်း တစ်နေရာသို့.......
.
.
.
.
အုတ်ဂူတွေဖြင့် ဝန်းရံထားသောနေရာတစ်ခု.....

အုတ်ဂူတစ်ခုရှေ့တွင် ထူးစစ်သော် ထိုင်လိုက်ကာ...
"ကိုကြီး ချစ်ရတဲ့သူက ဒီအရပ်မှာဆိုတော့ ကျွန်တော် ဒီမှာပဲ မြှုပ်ပေးခဲ့တယ်နော်။ ကိုကြီးကို ကျွန်တော် မမှတ်မိခဲ့လို့လဲ ခွင့်လွှတ်ပေးပါနော်...."