Near the love (Complete)

Near the Love 53

Uni

သပ္ပါယ်လှသော ရွှေတိခုံစေတီတော်မြတ်ကြီး ကို နှစ်ဦးသား လက်ကိုတွဲကာ ခြေလျင်ပဲတတ်ခဲ့ကြသည်။ နှစ်ယောက်စလုံးစီမှာ ဘုရားပန်းကိုယ်စီကိုင်ဆောင်ထားလေသည်။

လမ်းတစ်လျှောက် လူတွေရဲ့အကြည့်ကိုခံခဲ့ရသော်လဲ နှစ်ဦးသားကတော့ ထိုလူတွေကို ရှိသည်လို့ပင် ထင်မှတ်မထားခဲ့.....

အင်္ကျီအဖြူလက်ရှည်ကို ယောပုဆိုးလေးနဲ့ တွဲကာ ဆင်တူဝင်ဆင်ထားကြလေသည်။ မနက်စောစောဖြစ်တာကြောင့် ဘုရားတွင် အနည်းငယ်တော့လူရှင်းနေလေသည်။

အစက နှစ်ယောက်သား ပိတ်ရက်မှသာ လာဖို့စီစဥ်ထားသော်လဲ လွန်းထက်သာ ၏ စိတ်စောမှုကြောင့် ခုလိုကြားရက်မှာ ရောက်လာခဲ့ခြင်းဖြစ်သည်။

အရင်ဦးဆုံးဘုရားကို အရင်ဝတ်ပြုလိုက်ပြီး မွေးနေ့ထောင့်တွေမှာ ရေသပ္ပါယ်ကာ ပန်းကပ်လိုက်သည်။ ထို့နောက် အရိပ်ရရအဆောင်တစ်ခုတွင် ဝင်ရောက်နားခိုရင်း
"အစ်ကို"
"ဗျာ.."

စေတီတော်ပေါ်သို့မော်ကြည့်ကာ ထူးစစ်သော် တွေးစစခေါ်လိုက်သည်။
"ကျေးဇူးတင်ပါတယ်...ကျွန်တော့်အနားမှာ ရှိနေပေးလို့။ ပြီးတော့ ကျွန်တော့်ကိုလဲ ခုလိုတွေကြိုးစားပြီး အနားမှာခေါ်ထားပေးလို့"

"မလိုပါဘူး...ကိုယ်ကသာ မင်းကိုကျေးဇူးတင်တာ။ ခုလိုဘေးမသီ ရန်မခပဲ ကိုယ့်ဘေးကိုပြန်ရောက်လာပေးလို့"

"ဆန်းကြယ်သားနော်...ကျွန်တော်လေ အရင်တုန်းကတည်းက အစ်ကို့ကို သိပ်သဘောကျနေခဲ့တာ...အစ်ကို ကျွန်တော့်ကို ပြန်သဘောမကျခင်ကတည်းက။ ပြီးတော့ ကျွန်တော် Death ဆီမှာ ရှိစဥ်တုန်းက အစ်ကို့ကိုပြန်တွေ့ရတော့ တော်တော်ပျော်သွားတယ်။ ကျွန်တော်လေ ပြန်မတွေ့ရတော့ဘူးမှတ်တာ"

"ကိုယ်လဲ အဲ့တုန်းက ညီ့ကိုပြန်တွေ့တာ အရမ်းပျော်ခဲ့တယ်။ ကိုယ်လေ ညီ့ကို ရှာခဲ့တာ ဘယ်လိုမှမတွေ့ဘူး...အရမ်းလဲ စိတ်ပူနေခဲ့တာ"

တစ်ဦးမျက်နှာတစ်ဦးကြည့်ပြီး အပြုံးပန်းတွေဝေဆာနေချိန်
'ဂွီ.....'ဆိုတဲ့အသံကြောင့် နှစ်ယောက်သားပြိုင်ရယ်မိသွားသည်။