🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الخامس:
دخلات للحمام وقلبها كيضرب بألحان متناغمة وخدودها الحمرين غادي ينفاجروا من شدة خجلها والتوتر لي حسات بيه وهي بين يديه..... نطقات بصوت عذب ومنخفض كأنها خايفة يسمعها شي حد.....
ميرال: من إمتى أ ميرال كيعجبك هاد النوع ديال الرجال !! وعلاش توترت لهاد الدرجة.....
قادات شعرها وتقابلات مع المراية كتقاد فأحمر الشفاه..... جبدات عينيها بالأيلاينر..... نشات على وجها كتاخد نفس جديد وخرجات مخلية ريحة برفانها مالية الحمام.....
دورات عينيها على المكان كتقلب على صديقاتها الساقطات حتى بانتليها صديقتها لي كتافق أفكارها معها وتاجهات نحوها.....
كانت نغم مرخية وأنفاسها كتضرب بحرارة وبيديها شادة الكاس ديال الويسكي......
قربات منها ميرال وملامحها البريئة تقلبات لملامح قلقة....
ميرال: أشنو درتي فراسك يا هاد الحمقة.....
حيدات ليها الكاس وضارت كتشوف فصحابها لي كانوا كيضحكوا ومامسوقينش.... الشلة كانت متكونة من جوج دراري وجوج بنات بالإضافة لميرال ونغم...... غوتات بالجهد عليهم رافعة اصبعها كتحذير.....
ميرال: واش نتوما مراض فمخكم أشنو درتوا للبنت ها!! ماتهنيتوا حتى غيبتوها....
نطق منصف وعينيه مضيقين فيها.....
منصف: مال الزين تقلق غير بردي شنو عندو مايوقع ليها واش حنا لي ضربناها على يديها وقلنالها سكري.....
بداو كيضحكوا كلهم خالقينها وهي الأعصاب غادي يطرطقوا في راسها.... رددات بقوة خلات الحاضرين فديك السهرة كلهم كيشوفوا فيها ومن بينهم كريم لي كان متكي على الكونطوار وعينيه عليها كيبتاسم بخبث وكيتخيل الطرق لي يقدر يعذبها بيهم......
ميرال: يا ويل الويل توقع لنغم شي حاجة حتى نخليكم تعفنوا في الحباسات ونتوما عارفيني أنا شكون وشنو ممكن ندير....(ضغطات على كلامها) بكلمة وحدة مني نخلي حياتكم كحلة......
تكلمات ليلى بإبتسامة ساخرة....
ليلى: اش فجهدك ماديري أحبيبة دقلبي نسيتي يمكن بلي حتى حنا من الطبقة الغنية وكلمة وليدينا مسموعة في البلاد.....
ضحكات ميرال بهدوء وحطات يديها على ذقن ليلى كضغط عليه أكثر وأكثر.....
ميرال: لا مانسيتش أحبي وقيلة نتي لي غدراتك ذاكرتك....خليني نفكرك بلي هادي لي قدامك ميرال الأحميني أخت عصام أحميني لي كلمتهم أعلى من كلمتكم ونفوذي قادرة تمسح بيك الأرض......
دفعاتها للأرض والكل بدا كيضحك على ليلى ساخرين منها......تمشات ميرال بإتجاه صاحبتها وسنداتها عليها كتمشى بيها للخارج......
وصلات للسيارة وركباتها وديمارات بإتجاه الڤيلا ماهي غير ربع ساعة حتى كانت وصلات للڤيلا...... وقفات كتعافر مع نغم باش تخرجها من الطموبيل ماحسات غير بظلو من وراها....عضات شفايفها بخوف وضارت كتشوف فيه.....
ميرال: خويا نت مزال فايق.....
غوت عليها وعينيه فعينيها كيتحقنو بالدم.....
عصام: فين كنتي؟
ميرال: كنت فالمول مع صحاباتي....
غوت حتى قفزها....
عصام: المول فهاد الوقت وريحة الشراب منين جات ؟
دورات عينيها بخوف ونطقاات....
ميرال: ماشي مني والله هئ هئ راه صحابي لي سكروا نغم.....
عصام: الهضرة ماشي دبا حتى للصباح ونتفاهم مع حسك....
توجه نحو نغم وهزها بين ذرعانوا متوجه بيها لغرفة ختو أما ميرال دخلات للحمام لي كاين فالطابق السفلي كترجع النفس.... وصل عصام لغرفتها حطها على السرير وقبل مايمشي كانت نغم حلات عينيها النعسانين فيه ونطقات بدلال...
نغم: هذا نت أعصام!! علاش وليت كنشوفك حتى فأحلامي....
هز حاجبو مستغرب باغي يزيد يسمع منها ويفهم قصدها حتى كانت ميرال دخلات وهو انسحب للخارج.......
#يتبع......بأنامل: رباب نجمة🌺 خلي رأيك فنظركم نغم علاش قالت هكا لعصام علما أنه خاطب نازلي🖤
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
