🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء العاشر:
ابتسم كريم بمكر وهو كايشوف في ميرال ناطق بهدوء.....
كريم: ماغاتشكرش لي نقذ ختك.......
وسعات ميرال عينيها بصدمة كاتذكر موقف الليلة الماضية وكفاش تطعنات من طرف داك المجرم الشمكار.......
هو راه كان مرافقه والظاهر أنه الصديق دياله لولا سوء الصدف ماكانتش غادي تطعن ديك الطعنة الغادرة أو بالأحرى ماكانتش غاتشوفوا من جديد..........كيف ماكان الحال هو شخص لي واضح أنه ماكايرحمش وثعلب ماكر.......
شافت في خوها لي رافع حاجبو ومقطب جبينو وعلامات التساؤل والإستفهام ظاهرة على محياه......
تنهدات مطولة كاتشوف في خوها عصام لي عندو دور كبير في حياتها إلا خطاها هو غاتولي جسد بلا روح وحياتها غاتفقد معناها....
إسم الأحميني هو سلاحها لي منحو ليها الأخ ديالها العظيم لي وهب سنوات من عمرو للزمن الصعب باش يأمن ليها مستقبل وحياة كريمة...........
فاقت من أفكارها تلك على صوت عصام لي نطق بحدة......
عصام: وشنو علاقتك نت بشنو وقع لختي ؟
ابتسم جنب ونطق بصوت خشن فيه نوع من التلاعب.......
كريم: وشنو علاقة ختك بالأماكن المشبوهة ؟
ضغط عصام على فكو حاس بإستفزاز الواقف أمامه ونطق......
عصام: شنو كاتقصد.......
قرب كريم من عصام ونطق بهدوء.....
كريم: ختك كانت في نصاصة دالليل خارجة وتعرض ليها شمكار ومن حظها أنني كنت تما وقدرت نعتقها في الوقت........
شاف عصام في ميرال بنظرات حارقة......
عصام: واش هادشي بصح........
ماكان منها حتى رد من غير أنها تنزل راسها بإستياء رافضة تنطق......في حين شاف عصام في كريم وتكلم بهدوء.....
عصام: كانشكرك بزاف حيت عاونتيها نتمنى تقبل شكري وهادي لاكارط ڤيزيط ديالي إلا حتاجيتي أي حاجة ماترددش تاصل بيا........
شاف كريم مطول في ديك البطاقة الممدودة ورفع يديه واخدها بين أنامله......شاف في ديك الكلمة المكتوبة مطول بنظرات مبهمة "رجل أعمال"......
ابتسم كريم ونطق بهدوء.....
كريم: معلوم أسي عصام......
قرب كريم من ميرال ناطق حدى وذنيها.....
كريم: مازال غانتشاوفوا الغزالة وشكون عرف يمكن نطلاقاو فشي بار كيف موالفة.......
نطقات بهمس مشابه.....
ميرال: معلوم غانطلاقاو باش نزطم على رجولتك...
غزز سنانو وتكلم.....
كريم: قبل ماديريها غانقطعليك الرجلين.....
ابتسم مبعد منها وغمزها قبل ماينطق.....
كريم: خليتليك الراحة أ آنسة.......
خرج من الغرفة مستمتع بنظراتها المليئة بالغضب........
ميرال نطقات بهمس......
ميرال: كيفاش قدر يتجرأ ويهيني غايندم على هاد الهضرة والكذوب الزايد.......
فاقت من سهوتها على كلام عصام لي كلو لوم وتأنيب.......
في اليوم الموالي..... فاقت ميرال بحالة حسن من قبل..... قررات تخرج من المستشفى نظرا لحالتها لي ماكاتستدعيش الخوف والمراقبة الطبية........
خارجين من باب المستشفى وعصام شاد لختو في يديها معاونها تمشى......
حتى كيتصدموا من الصحافة لي عند الباب....قربوا عندهم وكل واحد كيلقي سؤالو على أمل يلقا شي جواب...
الصحفي1: سي عصام سمعنا بلي ختك تعرضات لمحاولة سرقة واش هادشي بصح ؟
الصحفية1: واش قدرتي تعرفي على هادوا لي حاولوا يسرقوك...
الصحفي2: شنو لي خلاك تمشي لداك المكان المشبوه ولي منعازل على الناس...
الصحفي: واش فعلا تعرضتي للضرب من طرفهم وشكون هو المنقذ ديالك؟
تكلم عصام وهو كيبعدهم من طريق ختو....
عصام: كانت غير صدفة ختي مايمكنش تنزل لهاد المستوى وتمشي لدوك الأماكن....
الصحفي2: واش كلام سي عصام صحيح ممكن تأكديلنا كلامو أ أنسة ميرال....
شافت فيها بعيونها العسلية وبثقة زايدة تكلمات وهي كتشوف فالكاميرا....
ميرال: أنا ميرال الأحميني مزال ماتزاد لي يخوفني ولا يشوه صورتي وكيف قال خويا كانت مجرد صدفة من بين ألف صدفة منبوذة وقعات عن طريق الخطأ.......
كملوا طريقهم باش يركبوا في سيارتهم الفاخرة منطالقين بسرعة.......
حدا الراديو جالس كيتصنت على أخر أخبار رجال الأعمال حتى دازت على مسامعوا كلماتها تلك وكفاش احتاقراتو وهانتو من خلال قولها أنها صدفة منبوذة.....مغرورة لدرجة كاتستعمل إسمها في كل مرة........
غزز على سنانو كيتحلف عليها ويديه كترجف بعصبية زايدة.... غير سمع صوت مو كتعيط ليه يتغدا رضخ داك الراديو مع الأرض حتى خرجوا مصارنوا ونزل مع الدروج زادح باب السطح بعنف......
#يتبع.... بأنامل: رباب نجمة🍓 آراؤكم كبيدات ديروا إشهار🔥
أنت تقرأ
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
