🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الثالث عشر:
عم الليل والظلام حل على ڤيلا الأحميني.....
في غرفة الضيوف كانت نغم جالسة كاتفكر بطريقة جنونية وقلبها كايزدح........مقررة أنها تخطي هاد الخطوة وتعترف لعصام بحبها ليه.........عارفة بلي هو خاطب نازلي ولكن هي أول وحدة بغاتو ولولاها كانت قدرات تلفت انتباهو وتكسب قلبو..... هي بغاتو من لما كانو صغار شنو لي خلا القدر يلعب ضدها.......
عارفة راسها غالطة في أنها دير هاد الخطوة لكن ماتقدرش تزيد تسكت وتخبي كثر من هكا.......
تقدمات خارجة من الغرفة بخطوات ثابتة متوجهة ناحية غرفة عصام..........
طرقات الباب باش تسمع الإذن بالدخول تسارعات دقات قلبها وتخربقات أنفاسها........
تقدمات بخطواتها في حين هو راقبها بهدوء داخلة بداك الفستان الأحمر القصير لي مبين جسدها أنثوي ومثير..... وشعرها المموج كيلمع مساير خطواتها...........
قربات منو ناطقة بنبرة رقيقة قدرات تطرب مسامعه.....
نغم: ممكن نتكلم معك.......
رفع حاجبو بعدم فهم ناطق بإستغراب......
عصام: معلوم شنو كاين أنغم.......
جلس هو على الأريكة وهي جلسات بجنبو مشاركاه نفس الأريكة.......
سكتات مطولة مخلياه كايراقبها بهدوء ونطقات بنبرة رقيقة.........
نغم: أنا في الحقيقة بغيت ماعرفتش كفاش ولكن أنا مـ.....
قاطعها بصوتو الرجولي الحاد......
عصام: بلا دخول وخروج في الهضرة أشنو عندك أ نغم....شنو هو الموضوع لي باغا تهضري معيا فيه ؟
شافت فيه ناطقة ببراءة.....
نغم: أنا كانبغيك.......
شاف فيها بنظرات مبهمة ماقدراتش تكشف حقيقتهم ومعناهم.......
نطقات بنبرة رقيقة وعينيها كايحدقوا في عينيه بألم.....
نغم: من ديما كنت كانبغيك من لما كنا صغار فاش خطبتي نازلي كنت غادي نحماق وهذاك هو السبب لي خلاني نفكر ننتاحر ماشي حيت وقعلي مشكل مع عمي كيف كنت قلت.......انا بغيتك بزاف وقلبي ماقادرش يخرجك وينساك ولكن ماطالباش منك تبادلني نفس الشعور بغيتك غير تعرف حيت عييت مانخبي في قلبي محتاجاك تعرف باش نرتاح.....وماكنظنش غانرتاح.........
قربات منو مقبلاه على خدو مخلياه مصدوم من كلامها وقبلتها ومن الموقف لي هما فيه........
تفتح الباب بدون سابق إنذار باش توقع نظرات نازلي عليهم وهما فداك الوضع الشيء لي خلاها تفقد أعصابها وتدخل متهجمة على نغم.........
قربات منها ورفعات يدها صافعاها بقوة أو واخدة شعرها بين يديها ناطقة بغل........
نازلي: كنت عارفاك لفعة وباغا تخطفيه مني غادي نوريك نازلي شكاتسوا.........
وقبل ماتعاود ترفع يديها وتصرفقها كانت يد عصام السباقة باش تحبسها ونطق مغزز سنانو هو في حالة صدمة من شنو كايوقع قدامو........
عصام: نازلي شنو هاد التصرفات كاديري راكي فاهمة الموضوع غلط.......
ابتسمت نازلي بسخرية ناطقة.....
نازلي: وليت فاهمة الموضوع غلط ياك أسيدي جالس كاتمعشق ليا معها و أنا لي فهمت غلط........
دفعاتو بعيد عليها وحيدات الخاتم من أصابعها رامياه على وجهو وناطقة بغل......
نازلي: لي بيناتنا سالا وهاهو خاتمك ماتنساش تعطيه ليها هدية.......
قرب منها واخد يديها بين يديه...
عصام: نازلي براكة من هاد الحماق خليني نشرحليك بعدا شنو كاين......
لكنها رفعات يدها وصرفقاتو خلاتو موسع عينيه فيها بصدمة ونطقات بغضب......
نازلي: أنا كانكرهك من كل أعماق قلبي وعمري بغيتك حيت نت واحد حتالة باغي تلعب على جوج جهات عمرك بغيتيني نت خطبتيني غير على قبل مصالحك المهنية أنا وليت كانكرهك وكانمقت الشوفة فيك عييت منك ومن فشوش ختك وزايدني حتى بهاد اللفعة.......نت واحد شماتة خاين......
ماحسات غير بصفعة حارة على خدها جات من عندو.......خلاها مصدومة وعاد استوعبات الكلام لي تفوهات بيه......
بلعات ريقها وحاولات تقرب منو لكن هو نطق بصوت عالي......
عصام: خرجي برا سربي راسك مانشوفكش قدامي حيت غادي نفقد أعصابي ومانضمنش ليك شنو غاندير فيك........
خرجات من الغرفة مخلياه مزير على قبضة يديه كايغلي بالأعصاب ونغم كاتشوف بصدمة مامتيقاش شنو وقع دبا قدام عينيها..........
قربات منو خايفاه لايغوت عليها وخدات يدو ناطقة بنبرة رقيقة.......
نغم: واش نت بخير ؟ أنا كانعتاذر منك هادشي لي وقع كلو بسبابي أنا مـ........
وقبل ماتكمل كلامها كان خدا شفايفها بين شفايفو في قبلة حارقة كايبرد أعصابو فديك القبلة.........
#يتبع....بأنامل: رباب نجمة🌺🔥 آراؤكم كبيدات وديروا نجيمات ها العار🍷🍒
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
