جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭

|17|

🔥جَـــحِــــيـــم الـــمــــشْــــرمل🔥

بأنامل: رباب نجمة🌺🖋️

               الجزء السابع عشر:

🍷في_____ڤيلا_____الدحماني🔥

جالسة في غرفتها متكية على سريرها بالمقلوب مخلية شعرها الأسود الطويل يلامس الأرضية...... لابسة فستان شفاف قصير....مغمضة عينيها وساهية بأفكارها وأحلامها...... كتذكر عويناتو الصقرية وجمودو وطريقة كلامو الثقيلة والخفيفة.....البحة الرجولية لي عندو.....غادي تسطا وهي كتفكر فيه......

كاتذكر اخر موقف وقع بيناتهم وكفاش قبلها ديك القبلة السطحية لي نساتها في إسمها مخليها تستعقل إسمو هو فقط........

لكن هو بعد منها فاصل ديك القبلة متفوه بكلمات إعتذار كأنه ماكنش في وعيو فقط خرج غضبو وشفا غليلو فديك القبلة......

تأفأفات ورجعات كتفكر في الطريقة لي ممكن تسرق قلبو بيها.. غالط لي فكر أنها ممكن تتخلى على حبها.... هي من النوع القوي لي مكتكسرو حتى حاجة.... مايمكنش وحدة بحال نازلي تربحها..... فهاد اللعبة هي لي خصها تربح.....

في هاد الأثناء دخل بخطوات متوازنة وهادئة مامخلفش صوت من موراه باش مايخليهاش تحس بيه...... قرب منها وفتح فوهة فمو من منظرها المثير..... جسمها الأبيض كيف كيبان من تحت ديك الكسوة الشفافة.... وصدرها بحال التفاح الطري...... تقلبوا عينيه من نظرات إعجاب لنظرات شهوانية بحال الذيب......

قرب منها وفرمشة عين كانت بين يديه هازها فالسما وملصق جسمو مع جسمها.........

غوتات مخلوعة من شنو واقع..... شافت فيه بإشمئزاز وبدات كدفعوا من عليها فحين هو نطق.....
مؤيد: شوووت بلاما تغوتي....توحشتك بزاف أنغم......

شافت فيه بحقد نافرة منو وعايفة إلتصاقو بيها....
نغم: بعد عليا أزبل بعااااد واش نت حماقيتي ولا مالك...... اش هاد التصرفات......

تبسم ليها بألم ونطق....
مؤيد: علاش كاديري فيا هكا......

نغم أخيرا قدرات تفك من القبضة ديالو وبعدات عليه نازلة للأرض...
نغم: هادشي لي كدير حرااام مايبغيه لا ربي لاعبدو أنا وياك خوووت واش مزال مابغيتي تفهم.... نت خويا وأنا ختك تربينا على هاد الأساس ماتسمحش لنفسك تتخطا الحدود معيا......

حرك راسو بالنفي مقلق من كلامها ونطق كيحاول يقرب منها ويشد فوجها وهي متهربة منو.....
مؤيد: لا نتي ماشي ختي ومستحيل نشوفك بنظرة الأخ لختو... نتي ماشي ختي.... لو كان هاد الرابط بيناتنا ماكنتش غانبغيك..........

بعدات منو متجهة للباب ونطقات بحقد وبعصبية زايدة عن اللزوم.......
نغم: خرج عليا مابغيتش نشوف وجهك.....خراااج.....

قرب حتى لحداها ونطق بهمس وعينيه حمرين مخلياه مركزة في ملامحو وطريقة تعبيره كايبان بحال شي بطل بوليودي أو ربما بحال شي عاشق مختل.....
مؤيد: غانبقا نبغيك وخا طلاقا السما مع الأرض وعمرك تحلمي تكوني لغيري......

سدات الباب من وراه مخسرة ملامحها والدموع أبدا مانزلوش من عينيها.... الحاجة الوحيدة لي ممكن تقلقها وتبكي عليها فهاد الدنيا هي عصام.... وأي حاجة متعلق بعصام أما الباقي مكيهمش.......

💫بالعودة لميرال....... 🖤
جالسة مربعة يديها كتفرج مع جداتها في مسلسل الوعد.... معصبة معاه وكتشوف كفاش البطلة جامدة وماكتنطق بحتى كلمة..... نطقات صاعرة......
ميرال: جدة شهاد الزمر..... مالها مكتهضرش ياربي صبرك كون كنت فعوضها كون دويت حتى حرقت الطوابل دودنيهم...... المخرج غير تعديتي علينا أخويا ما مسلسل هذا ماتاوزة......

نطقات الجدة كتسكتها باش تخليها تفرج وهي جالسة مقندشة وكل مرة تسب في البطلة.......
الحاجة ياقوت: سكتي نتي شفهمك فشي مسلسلات.... إلا دوات راه غايسالي الفيلم...
نوضي فتحي الباب علم الله شكون غايكون.......
ميرال: وخا ألميمة.....

ناضت للباب وحلاتو بهدوء فور ما وسعات عينيها بدهشة من الشخص لي قدامها....

#يتبع..... فنظركم شكون هو هاد الشخص وعلاش تصدمات فاش شافتو....... ؟؟ وشنو قصة نغم وعاشقها المجنون🔥🔞 لي جاي +18خبطي لايك وخلي رأيك وجوابك على السؤال......