🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الحادي والثلاثون:
حل عينيه مستقبل نهار جديد بعد ليلة طويلة وصعبة...حس بشي حاجة مثقلة على كرشو...... بلا كتفو لي كيحرقو..... تفكر كل لي جرا.......
نزل بعينيه ليها كفاش ناعسة وشعرها مخربق حنيكاتها مزنگين..... حط يديه على حنيكاتها كانوا باردين.... خاصة مع ديك الكسوة المقزبة اكيد غاتبرد..... وهو مامخدمش الشوفاج....... ماقدرش يتململ ويصدق مفيقها....... لكن هي كانت بدأت كتستعد باش تحل عويناتها العسليين.... شاف فيها بنظرات مختالفين على قبل....نظرات عشق كتزرع الراحة والطمأنينة في قلب الطرف الأخر.... بقات كتشوف فيه حتى هي وحالة من الإنجذاب تخلقات بيناتهم في لحظة فريدة من نوعها.....
استدركات نفسها مهبطة عينيها وكترمش نزل معها شعرها الحريري ورجعاتو ورى ودنيها... بانت بحال شي بنت صغيرة حشمانة.....
ابتسم في وجها وهو كيتذكر كفاش نقذات حياتو وتناسات الخلافات لي بيناتهم..... والهضرة القاصحة لي نطق بيها وكفاش جرحها بكلمة "عاهرة"......
وقفات كتعافر مع كرامتها.... ونطقات مكتشوفش فيه....
ميرال: غادي نوجدليك شي حاجة سخونة دفيك... وتريح أعصابك ومن بعد غادي دخل دوش حيت أكيد عراقيتي مع لي داز عليك البارح ماكانش ساهل......
هربات قبل ماتسمع جوابو خلاتو كيتبسم بهدوء.... مشات للكوزينة وتكات على البوطاجين بقلب كيضرب بسرعة وهرموناتها مخربقة.... حطات يديها على صدرها لي كيطلع بوتيرة متصاعدة.... مستغربة من راسها......
ميرال: شنو كيوقع معك أميرال علاش حشمتي منو وماقدرتيش تشوفي فعينيه.....!! أشنو واقعليك.....!!
تنهدات بعمق وعضات على شفتها وهي كتذكر اللقطة فاش سهات فيه وكفاش شاف فيها بدوك النظرات لي أكيد فهمات معانيهم لكن ماباغاش تعتارف بيهم.....
دايرة بحال البنت الصغيرة نية وصادقة بقلب بيض وخا تغلط معها فاش تحتاجها غاتلقاها معك وبجنبك بلاما تجبدليك حس المشكل ولا تأنبك عليه.....
مشات كتقاد التشيشة أو البلبولة بفلييو....وقادات حليب سخون مالقاتش العسل ودارت عوضه الزيت البلدية(زيت الزيتون).....
ورجعات ليه بعد نصف ساعة.... جلسات على ركابيها وجمعات شعرها... كان وجها منفوخ حيت ماناعساش مزيان.... وبيضاء بزاف... كانت مختلفة وهي ماواضعاش المايكاب بانت على طبيعتها وزويونة بلا بيه....
شافت فيه من تحت رموشها هو لي كان ساهي فيها.... نطقات بهدوء حشمانة منو.....
ميرال: خليني نعاونك باش تقدر تاكل....
حرك راسو بالإيجاب عاجبو الحال من إهتمامها..... تكاتو على مخدة وضعاتها من ورا ظهرو... لكن لي صدمها وثار إستغرابها هو الوشم لي على صدرو جهة قلبو.....نطقات بخفوت قدر يسمعو....
ميرال: واشم سميتي....!!
كريم دار براسو ماسمعهاش وطلع المانطة على صدرو ونطق....
كريم: واش مغاتعاونينيش...؟
رجعات جلسات حداه وبدات كتوكلو وهو غير كيشوف فيها ساهي فعينيها لي كيتحقنوا بالعسل الحر.... ولا فخدوها العامرين... بلا فمها المنفوخ.....
ميرال: صافي سالينا.... دبا غادي طلع دوش باش ترتاح شوية وغادي تنعس وأنا غانبقا معك باش إلا حتاجيتي لشي حاجة..... إممم ولا تبغي نعيط على واليديك ؟
حرك راسو بالنفي كيمسح فمو....
كريم: لا مايحتاجش...
ميرال: علاش ؟
كريم: مابغيت حتى واحد يعرف أشنو وقع معيا.....
ميرال: أه فهمت وخا على خاطرك يلاه تسند عليا خلينا نطلعوا للفوق....
كريم: وخا.......
#يتبع....... بأنامل: رباب نجمة💥🔥 آراؤكم كبيداتي كلما زاد التفاعل زادت الأجزاء وطوالت نتمنى تشاركوني توقعاتكم وديرو نجيمات❤️🤤
أنت تقرأ
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
