🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء التاسع والعشرون:
وصلات ميرال للغرفة برفقة نغم... حيدات نغم صباطها كتريح رجيلاتها البيضين....
نغم: عييت هاد النهار...... راسي كيحرقني كون غير تقادي لينا شي قهيوة كحلة....
لاحت ميرال صباطها ديال طالون وجرات فرجليها بانطوفة..... نطقات وهي نازلة لتحت....
ميرال: هاني جايا....
نزلات للكوزينة وخدمات آلة القهوة.... كبات جوج كيسان وطلعات للغرفة..... لقات نغم مجبدة على السرير كيديها النعاس.... كل مرة كيتغمضوا عويناتها..... جات ميرال بحال الرعدة كتفيقها.....
ميرال: نغااام واتي نوضي خص نهضروا....
حلات نغم عينيها وجلسات على حافة السرير دايخة....
نغم: امم جبتي القهوة.....
مدات ليها كاس دالقهوة وجلسات حداها....
ميرال: شنو واقع معك في هاد الڤيلا ؟
علات نغم حاجبها وبالصدمة طار ليها النعاس....
نغم: شكاتقصدي؟
ميرال: بلاما تخبي عليا أنا عرفت بعلاقتك مع مؤيد....
بلعات نغم ريقها وهي كاتذكر مؤيد أو لحظاتها الحميمية معاه وتقربه منها في كل مرة كانت كاتصدو فيها....
نغم: واش كتفلاي أميرال نتي عارفة بلي مؤيد خويا ومستحيل توقع بيناتنا شي حاجة.....
ميرال: انا صاحبتك ثيقي فيا وعاوديلي انا شفت كلشي بعينيا.....
نغم: نتي كفاش عرفتي.... ؟
ميرال: يعني هادشي صحيح....
نغم: ميرال الموضوع حساس ماقادراش ندوي فيه دبا وخا.....
ميرال: لا غاندويو دبا نيت......
قبل ماترفض نغم كان صوت الطيلي ديال ميرال ارتفع في الغرفة..... هزاتو ميرال وجاوبات غير شافت نمرتو......
ميرال: ألو أش بغيتي مني عاود....
قاطعها بصوت هامس....
كريم: ميرال بغيتك تعاونيني....كنموت....
شافت فصاحبتها موسعة عينيها من شنو سمعات...
#بعد_ساعتين🍷🔥
وصلات ميرال بالطموبيل ديال صاحبتها للمكان لي فين كاين كريم..... لمحاتو من بعيد طايح في الأرض وغارق فدمو.... جات بالزربة ناحيتو مخلوعة....
نزلات على ركابيها واخدة راسو فحضنها كتدمع....
ميرال: كريم كريم أنا جيت واش كتسمعني.....!! حل عينيك عفاك...
فتح عينيه بصعوبة وهو كيلمحها قدامو..... تبسم جنب ونطق بخفوت.....
كريم: توحشتك.....كنت خايف نموت ومانشوفكش.....
نطقات بصوت منكسر....
ميرال: ماشي وقت هاد الكلام دبا..... عاوني نمشيو للطموبيل.....
وقفاتو بصعوبة واتاجهات للطموبيل.... يلاه بغات تنطالق وقفها بكلامو......
كريم: الشنطة.... بغيت الشنطة دالفلوس.....
وسعات عينيها من جديد مستقبلة صدمة أخرى....
ميرال: أشمن شنطة هادي....
كريم: غاتلقايها فين كنت.....
نزلات بالزربة ناحيتها حلاتها مصدومة من المبلغ لي كاين فيها.... هزاتها ورجعات للطموبيل..... نطالقات وماكانت غير ساعتين حتى وصلات للشقة لي نعت ليها ولي كان شراها بعد العملية ديال التهريب لي دار.....
#يتبع..... قريتي إوا خلي نجيمة وتعليق فيه رأيك وتوقعك للأحداث جاية..... 💓🔱 #رباب_نجمة🌺🍷
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
