لأول مرة على شاشة هواتفكم 🍷🍒
بـعـنـوان:🔥جَـــحِــــيـــم الـــمــــشْــــرمل🔥
بأنامل: رباب نجمة🖋️
حصريــــــــا على أســــطــــورات الجــــمـــــان الأســــود🖤
بعض المرات غلط بسيط قادر يقلب حياتنا رأسا على عقب ويغير مجراها لأسوء قدر...
هي فت...
نزلات بالزربة ناحيتها حلاتها مصدومة من المبلغ لي كاين فيها.... هزاتها ورجعات للطموبيل......نطالقات وماكانت غير ساعة حتى وصلات للشقة لي نعت ليها ولي كان شراها بعد العملية ديال التهريب لي دار......
نزلات من الأوطو ومشات باتجاهو مدات يديها للباب فتحاتو أو وسعات عينيها عاضة على شفتها السفلية من حالتو... كان كينزف بزاف او العرق كتصبب على جسمو كامل ومغمض عينيه.....
شدات فيه كتعاونوا ينزل وهو مساعدها.... حطاتوا على أول أريكة بانت قدامها في الصالة.... ومشات بالجرا للمطبخ كتقلب على شي حاجة تكمد ليه الجرح ولا تهدن ليه الألم.... حلات الثلاجة وخدات منها الثلج... وعلبة الإسعافات......
رجعات عندو كان حيد القميجة باش يبان صدرو العريض لي عليه بعض الوشوم بحروف عربية.... ماركزاتش مع شنو مكتوب قدما ركزات مع جرحو لي كينزف...... سنداتو على الأريكة ونزلات على ركابيها بيدين كيرجفوا ماعارفة شنو دير فحين هو صدمها بكلامو.... كريم: عقمي اللقاط وخرجي الرصاصة.....
ضحكات بالفقصة وهي كتشوف فملامحو لي أبدا ماباينش عليهم أنه كيضحك معها ولا غير كيهترف بالسخانة.... بل كان كيدوي بجدية..... ميرال: كضحك معايا أنا مانقدرش أكيد كتخرف حنا ماشي في فيلم باش تنجح معنا هاد القضية خص يشوفك الطبيب.....
رجع نطق وهو كيتألم، صابر كيتحمل داك الألم لي كينهش في كتفو..... كريم: ميرال ديري لي قلتليك.....
شاف فيها كيفاش كترعد وقلبها قريب يسكت ونطق كيطمنها بعينيه النايمين..... كريم: ماتخافيش غير ديري لي قلتليك أحسن ماتعفن الجرحة....
حركات راسها بالنفي حابسة البكية.... ميرال: خلينا نعيطوا على شي طبيب هو غادي يعالجك وتولي مزيان......
غمض عينيه كيتوجع ورجع شاف فيها رافض الفكرة.... كريم: بلاما تعصبيني أميرال ماخص حتى حد يسيقلي الخبار بلي تضربت بالرصاص.....
فهمات ميرال بلي مخبي شي حاجة خطيرة ومشبوهة وماباغي حتى واحد يعرف بيها..... فوضات أمرها لله وخدات فيديها اللقاط كتعقمو مزيان وغرساتو في لحمو وهي كتألم لألمو....... كريم: آآه ميرال غير زيدي غرسيه ماتخافيش ضروري تجبديها...
كتبكي بغزارة مصدومة من شنو كدير والدم لي فاض عليها..... ميرال: ولكن نت كتنزف هئ هئ..... كتألم أ كريم هئ هئ أنا منقدرش......
حرك راسو بالنفي وهو كيتنفس بصعوبة كأنه فحرب..... كريم: لا أنا مكنتألمش غير حاولي أ حبيبتي وخا....!!
غير قاليها ديك الكلمة "حبيبتي" كأنه طمنها وعطاها الحق فأنها تتكلف بحالتو وتخرج الرصاصة.... كأنه وضع فيها الثقة وخصها تكون قدها.....
جبدات الرصاصة ولاحتها في إناء..... ورجعات كتعقم البلاصة بقطينة......ودارت الدوا وعاد باش زيراتها ليه بالفاصمة.... والدم بدا كيخف شوية على قبل.....
طلعات عينيها تشوفو كان غمض عينيه ومشا في سابع نومة...بالسيف ولي مر عليه ماشي ساهل......
مسحاتليه العرق لي على جبهتو وباست على جبهتو وهي مزال كتبكي.... ومشات بالجرا للغرف كتقلب على شي مانطة سخونة.... لقاتها رجعات عندو غطاتو وبقات معاه الليل كامل كتفقد حرارتو.....سهرانة على راحتو وخايفة يفيق ومايلقاهاش بجنبو.......
#يتـ_____ـبـع..........بأنامل: رباب نجمة. 💓🔥 نزيدكم جزء ؟ إوا خليو أراؤكم🍓🍷
Oops! This image does not follow our content guidelines. To continue publishing, please remove it or upload a different image.
