جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭

|72|

🔥جَـــحِــــيـــم الـــمــــشْــــرمل🔥

بأنامل: رباب نجمة🌺🖋️

         الجزء  الثاني والسبعون:

وسعات نغم عينيها بصدمة وذاتها كلها بدات كاترجف......ماتوقعاتش عمها غايسيق الخبار.......ولكن هو منين عرف.....مؤيد مستحيل يكون عاود ليه شي حاجة حيت هاهو كايسولو دبا يعني ماشي هو إذن شكون كان عارف ❓

تظلمات عينيها بخوف وقلبها بدا كايضرب بتوتر وقلق........سيطرات عليها مشاعر الخوف والإستياء واقتنعت بلي هي بدون حظ......

شاف فيها مؤيد لي ماعارش للأمر أهمية كانت عينيه غير عليها هي لي كانت في واحد الحالة من الهلع والخوف...........

عارف بلي غايتمرد بهاد الحركة لي غايدير لكن هو مضطر مايقدرش يشوف حبيبتو لي عشقها كثر من نفسو هي هاد الحالة من الخوف......هو مستعد يكره عائلتو في سبيل حبها هي......هو مريض ومختل بحبها...

وضع يديه على يديها مزير عليها هي لي حاولات تفك منو موسعة عينيها بصدمة مضاعفة........شافت في عمها لي تحولات نظراتو للغضب مامصدقش بلي ولدو شاد ليها فيديها وقدامو بلا حياء ولا حشمة..........

هو في نظرو تخطى الحدود وحرق معاه الإشارة الحمراء..... كانت ياسمين  كاتعض شفتها بعصبية من المنظر لي كاتشوف قدامها كفاش الشخص لي كاتبغيه ولي من المفروض تزوج بيه شاد لهاد اللعينة في يديها......هو شنو كايحاول يثبت............

غوت سي نجيب بكل جهدو متكلم بغضب واضح......
سي نجيب: شنو هاد المهزلة لي كانشوف قدامي.......مؤيد واش باغي تخرج ليا عقلي........

تكلم مؤيد بهمس مقرب من نغم لي كاتحاول تفك منو وعينيها كايدرفوا دموع الخوف والقلق.......
مؤيد: ماتبكيش أعمري حتى حاجة ماتستاهل دموعك وأنا معك.........

رجع شاف في باه لي واقف ديك الوقفة الشامخة لي دالة على مكانتو متكئ على عكازو ناطق بهدوء........
مؤيد: شنو كاتشوف قدامك......كلشي واضح أنا ونغم كانبغيو بعضياتنا فين كاين المشكل.......

زير سي نجيب على أسنانو مقرب من مؤيد صافعو على وجهو صفعة قوية حتى سال الدم جنب فمو.........
سي نجيب: المفروض تكون كاتوجد للخطبة ديالك نت وياسمين ماشي تكون تابعلي الخوا الخاوي واش باغي دير ليا راسي في التراب وتشوهني مع الناس..........

ابتلعات نغم ريقها كاتحاول تحبس شهقاتها.......قلبها وجعها من فكرة أنهم كايخططوا يزوجوه بياسمين حسات بالغيرة كاتاكل فيها والحگرة والحسرة مسيطرة على فؤادها..........

تكلم مؤيد بالغوات وعينيه حمراء فجأة تحول لوحش.......
مؤيد: وأنا مكاتبانلي لا ياسمين لا غيرها أنا كانشوف درية وحدة هي نغم إلا بقات فيك بنت ختك زوجها لشي راجل من صحابك.........

خطا مؤيد ناحية نغم جارها من يديها وخارج بيها من الڤيلا متجه لسيارتو........

كان سي نجيب كايحرك وجهو يمين شمال.......غايخرجليه عقلو هاد الولد باغي يحشمو مع ختو وبنتها لي قطع معهم الكلمة بلي غايزوجها لولدو وهاهو ولدو خرجليه بموضوع حبو لنغم.........

كانت ياسمين كاتغلي بالأعصاب وكاتفكر شنو غادير باش تتخلص من نغم حيت هي الحاجز الوحيد بينها وبين مؤيد غافلة على حقيقة أن مؤيد كايبغي نغم من لما كان صغير وماكاين حتى مخلوق في الدنيا قادر يغير هاد الحقيقة............🔥

#يتبع.....بقلم: رباب نجمة🍷🤤أراؤكم كبيدات نتمنى يكونوا عجبوكم الأجزاء درت جهدي كامل باش بعجبوكم نتمنى تانتوما تشجعوني وتخليو الأراء ديالكم وحتى إنتقاداتكم وديروا نجيمات ♠️🔥🤤