🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋
الجزء الرابع عشر:
بصدر عاري وتركيز عالي واقف كريم فغرفتو قدام لوحة كبيرة ملصق فيه أوراق عديدة ومرة مرة كايوضع ملاحظاتو في مذكرتو الخاصة.......
غير سالا من تسجيل المعلومات جلس في المكتب ديالو منشغل مع الحاسوب ديالو بتركيز وإهتمام خدام فيه.......
بعد مدة طويلة تكا على الكرسي وإبتسامة إنتصار تسللات لشفايفو.......
شاف الهاتف ديالو لي كايرن بإسم "الرئيس"........
🖇الحوار بالإنجليزية 🖇
الرئيس: كريم أش درتي؟
كريم: كولشي تحت سيطرتي دبا.......قدرت نختارق النظام الأمني للميناء كامل....... نقدو ندوزو السلعة بدون خوف أو قلق.....
الرئيس: البوليس شنو الحل معهم.......
كريم: أنا غانتكلف بهاد القضية.......
الرئيس: ولكن كيفاش ؟
كريم: الطريق لي كيدوزو منها البوليس فطريقهم للميناء طريق شبه خالية تما غادي يتعرضو ليهم الرجال ديالنا بالأسلحة ديالهم غايقتلوهم ويلبسو حوايجهم ويمشيو يقومو بالواجب فبلاصتهم.....
الرئيس: والكلاب كيف غانديرو معاهم.......
كريم: الكارطون لي غتهرب فيه السلعة غيترش ببعض المواد أما على الناس غايكونوا مضطرين يهربوا حيت إنفجار كبير غايوقع فأحد الباطويات.......
الرئيس: واش تسطيتي بغيتي دينا للحبس بعينينا مغمضين لا وقع انفجار غايتزايدو رجال الشرطة......
كريم: فداك الوقت غايكون الباطو لي فيه السلعة جاي في اتجاهكم.....المهم أنني قدرت نتحكم في جميع الكاميرات والنظام الخاص......
الرئيس: تبارك الله عليك ماتخيلتكش ذكي لهاد الدرجة......
كريم: من بعد العملية نبغي فلوسي يوصلوني.........
🍷إنسحبت الشمس من خلف البحر تاركة سواد يعم الميناء🔥
كانوا أكثر من خمس أشخاص واقفين في مكان خالي كايتسناو باش يقوموا بدورهم....
ضرب من بعيد ضوء سيارة الشرطة.....تحركوا بسرعة هزوا قراعي دالشراب شربوا منهم جغمة وكبوا شوية على حوايجهم باش يبان داكشي مثالي......
وقفات السيارة وهبطوا منها زوج شرطين يشوفو أش واقع لقاوهم سكرانين عاد جبدو جهاز المخابرات باش يطلبوا من الدورية تجي تعتاقلهم حتى جبدو الشباب أسلحتهم وتيراو فالشرطيين وبسرعة جردوهم من حوايجهم وتبادلوا معهم الحوايج.......
تفرقوا الشباب باش جوج يتكلفو بالجثث ديالهم والآخرين ركبو فسيارة الشرطة متوجهين للميناء.....
في شقة بعيدة كاطل على الميناء واقف شاب ثلاثيني في الشرفة هاز منظار كايتفقد الأوضاع بان ليه كلشي هادئ......
خدا جهاز التواصل وعلم الشباب بلي الأمور تحت السيطرة وخصهم يتحركوا.........
عند كريم لي رتاح بعدما عرف بلي الجزء الأول من الخطة غادي مزيان مشا دغيا للشاحنات المحملة بأطنان من المخدرات بشتى الأنواع.... رش بعض المواد على جميع الكرطونات باش يمنع الكلاب من أنهم يشموا رائحة المخدرات.......
وصلات الشرطة المزيفة لمكان العملية ونساحبوا أعضاء الشرطة الأخرين.......
تكلم كريم من خلال جهاز التواصل مع الرجال ديالو.....
كريم: واش وصلتو ؟
الشخص: أه وصلنا وتفرقنا كيفما قلتي لينا.....
كريم: حميد الأمور كيف غادة ياكما كاينة شي حركة ماشي هي هاديك.....
حميد: لا كلشي تحت السيطرة من الأحسن نبداو التنفيذ دبا.....
تكلم من خلال جهاز التواصل.....
كريم: ويلسر أشنو درتي......
ويسلر: قدرت نسيطر على السفينة ولكن عندي مشكل......
كريم: شنو كاين أ ويلسر....
ويسلر: القبطان قدر يتعرف عليا واضطريت نقتلو ونلوحو فالبحر
كريم: لا ما يمكنش نتا واش عارف أش درتي.... هكا زدتي عقدتي الأمور ونقصتي لينا من الوقت لي حنا أصلا محتاجينو....
تكلم كريم من جديد في جهاز التواصل ناطق.....
كريم: الدراري غاتدخلوا الشاحنات للسفينة و حميد وأنس ومعاذ غايرافقوكم ويديروا براسهم كايراقبوا السلعة والكلاب راهم تحت السيطرة ماغايقدروش يتعرفوا على السلعة ويفضحونا....نبيل فجر اليخت دغيا.....
الرجال: وخا أسي كريم......
من بعد ساعات تحت الضغط....تمكنوا الرجال ينفذوا المطلوب منهم....كريم توقع الشرطة والقوات المساعدة والشرطة العلمية والعسكرية طوقات الميناء من كل جهة ولكن العملية مشات كيفما خططو ليها رغم ضيق الوقت والضغط لكن الأمر نجح وبشكل إحترافي.......
#يتبع.....بأنامل: رباب نجمة🔥 كيف جاتكم خطة كريم والعمل الجماعي ديال كريم و الرجال ديالو !!
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
