🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الخامس عشر:
أخيرا كريم ولا قادر يحقق حلمو ويتبث قدراتو ودورو لي كان منبوذ للجميع..... أخيرا غايقدر يدخل لعالم صناعة المعلوميات ويدخل في صفقات مع كبار البلاد......
بعد ليلة طويلة من التعب....طلعات الشميسة مضوية غرفة ديك الجميلة لي ناعسة بحال الملاك.... تسللات أشعة الشمس لداخل غرفتها كتلامس ملامحها.....قطبات حاجبيها المرسومة من عند الخالق بإنزعاج لكن فور ماحلات دوك العوينات المقطرين بالعسل....
تكسلات براحة وتفوهات مزال ماسخات بفراشها السخون في هاد الجو البارد لي كيمهد لفصل الشتاء.....
لبسات في رجيلاتها ودخلات للحمام تستحم.... ماهي إلا دقائق معدودة حتى خرجات برداء الحمام وفوطتها على راسها.... تمشات للدريسينك.... كتختار شنو تلبس.... تم إختيارها لكسوة طويلة سوداء كسواد الليل....لبساتها وتمشات واقفة أمام المرآة كتشوف راسها كيف جات....
كانت واسعة عليها ومجموعة من جهة الصدر لي فرقتو باينة..... نشفات شعرها بالمصفف الحراري ودارت لأطرافو زيت اللوز الحلو....من ديما كتفضل دير لشعرها الزيوت الطبيعية رغم أنها عندها قدرة تشري أغلى المنتجات لكن كتبقى غير ضياع للفلوس في الخاوي.....
طلقات شعرها المموج على كتافها ولبسات كعب عالي فرجليها.... وهزات صاكها بين يديها مخلية الشانطة دالحوايج موراها كتنتاظر الخدامة هي لي تهبطها.....
وصلات للأسفل واضعة نظراتها الشمسية....وجلسات على طاولة الإفطار بجنب خوها لي كان مترأسها......
ميرال: صباح الخير خويا.....
حيدات نظاراتها وبدات الفطور فحين هو رد عليها....
عصام: صباح الخير أميرتي كيف صبحتي.... ؟
شافت فيه مذبلة عينيها ونطقات بعبوس...
ميرال: خويا علاش غاتسافر واش من الضروري تبقى تابع نازلي في كل مرة كتخلى عليك.... مزال مابغيتي تفهم بلي هي مزال متعلقة بعائلتها وماقادراش تنساهم....هي باغا فرصة باش تصالح معهم وهي لقات الفرصة دبا.......
شاف فيها عاقد حواجبو من كلامها فحين هي كملات كلامها....
ميرال: نت علاش باغي تمشي بالض؟
شاف فيها مطول ونطق بجمود مهرب عينيه للصحن لي قدامو...
عصام: حيت الخدمة ماكتسناش وماشي حيت هي بغات تنهي علاقتنا غانخليها تنهي الخدمة لي بيناتنا..... إلا كملي فطورك خليني نوصلك لعند الميمة....
تنهدات بعمق حاطة يديها على يديه....
ميرال: خويا نت عندي عزيز ومامستعداش نخسر ضحكتك فوجهي... بسبب نازلي... نت عارف شكون هي عائلة نازلي ومع ذلك درتي لي فراسك.... هاديك العائلة راها ضمراتنا أخويا....بسبابها.....
قاطعها خوها متكلم بحدة جامع الوقفة....
عصام: كنتسناك فالطموبيل.....
#يتبع.... بأنامل: رباب نجمة🌺🖋️ آراؤكم كبيداتي
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
