🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الخامس والثلاثون:
بقات كتشوف فيه شحال مستغربة من نفسها كفاش متأثرة بوسامتو وبقربو...
نطقات بدون ماتفكر ورموشها فازكة...
نغم: شكون هي البنت لي جات معك للڤيلا...........
استغرب من جملتها تلك لي بعيدة على الموضوع لي كايتكلموا فيه وماعندها حتى صلة بيه........
تكلم ببحة رجولية وعينيه في عينيها كاينظر ليها بنظرات إعجاب.......
مؤيد: نتي شفتيها ؟
وسعات عينيها ناطقة بعصبية......
نغم: علاش ماكنتيش باغيني نشوفها ؟ شكون هي ديك البنت وعلاش جبتيها معك للڤيلا وشادا في ذراعك من الفوق......واش نت في علاقة مع ديك البنت ؟
ضيق عينيه فيها مافاهمش كلامها الغريب هي من ديما ماكايهمهاش أمرو فعلاش كاتسول على ديك البنت زعما تكون حسات بشي حاجة.......حسات بالغيرة !!
قرب ليها كثر مستنشق ريحتها لي كانت بريحة الورد حس براسو ماقادرش يسيطر على راسو......
قرب ليها ملصقها مع السيارة كيتأمل فيها وصدرو كيطلع ويهبط بوتيرة متسارعة وهي الأخرى ما كانتش أحسن منو حال فراه قدرات مشاعرها تسيطر عليها....
نطق بهمس وأنفاسوا كاضرب في وجها.......
مؤيد: واش قلق قربها مني ؟
تحرك بؤبؤ عينيها بإرتباك ناطقة بهمس......
نغم: أنا ماقصدتش نتدخل في أمورك، نت حر تكون مع الشخص لي بغيتي ولكن على الأقل ماتلعب بين جوج جهات.....ماشي معقول أنك تقولي كاتبغيني في الوقت لي نشوفك مع وحدة أخرى......
وضع أناملو على خدها ناطق بحنان.....
مؤيد: أنا كنبغيك غير نتي ومستحيل نسمح لنفسي نقرب من وحدة أخرى في الوقت لي نتي ساكنة قالبي........
ساد الصمت لبرهة كايتأملو ملامح بعضياتهم ونغم متوترة من القرب لي بيناتهم وحاسة بيه صادق في مشاعرو اتجاهها.........
قربوا لبعضهم ببطئ وكأن شي حاجة خفية كتجرهم حتى نغامسو فقبلة فيها قدرو يعبروا على المشاعر الجامحة لي اجتاحتهم.....
🔥كانت ميرال في الشارع واقفة كاتراقب من بعيد كأنها كاتسنى وجودو............
إنتظارها انتهى بأنها شافتو جاي من بعيد بالدراجة النارية ديالو........
تقدمات ناحيتو كاتسناه يسكت الموطور.......حيد الكاسك وشاف فيها.......
بلعات ريقها ونطقات بنبرة رقيقة.....
ميرال: واش ممكن نهضروا ؟
رفع حاجبو ناطق بحدة......
كريم: نتي شخرجك في هاد الوقت واش مازال مابغيتي توبي.....
نطقات بهدوء.....
ميرال: خصنا نهضروا.....
رد عليها بتساؤل....
كريم: دوي شكاين؟
شافت في المكان ناطقة بصوت منخفض...
ميرال: ماشي هنا........
دار ليها إشارة بيديها ناطق بهدوء....
كريم: طلعي.......
شافت فيه مدة في الأخير ركبات موراه مدورة يديها على جسمو ملتصقة بيه.......انطلق بسرعة مخليها تزيد تلتاصق بيه مستنشقة عبيرو وشعرها كايتطاير في الهواء.......
#يتبع.....بأنامل: رباب نجمة🔥🖋️ آراؤكم كبيداتي توقعاتكم للآتي🍷🌺
أنت تقرأ
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
