لأول مرة على شاشة هواتفكم 🍷🍒
بـعـنـوان:🔥جَـــحِــــيـــم الـــمــــشْــــرمل🔥
بأنامل: رباب نجمة🖋️
حصريــــــــا على أســــطــــورات الجــــمـــــان الأســــود🖤
بعض المرات غلط بسيط قادر يقلب حياتنا رأسا على عقب ويغير مجراها لأسوء قدر...
هي فت...
ضرباتليه تخنزيرة فاعلة تاركة فحين الحاجة ياقوت نطقات كتربت على كتافو برضى.... الحاجة ياقوت: الله يرضي عليك أولدي هذا المظنون فيك..... من ديما ونت معايا كتسول فيا وتكون بيا عكس ولادي لي ربيت وكبرت فالتالي كيخسروا عليا مكالمة مرة فشحال......
رد عليها بهدوء قاصد يخفف من ألامها ونطق...... كريم: ماتقلقيش راسك نتي راك بحال الواليدة من واجبي نوقف معك غير سيري رتاحي وهني بالك من هاد الناحية.... حفيدتك غادي تصح إن شاء الله وأنا بيدي غانقابلها......
خرجات الحاجة مخلياه معها فالغرفة قرب منها حاط البلاطو بين رجليه ومد ليها كاس دالعاصير تشربو....هي لي شداتو بالشنتة وبدا كيقادليها الفرماج والكاشير وسط الكومير......
بدا كيوكلها وهي كتحل فمها مستقبلة الدغمة حتى شرگات ليها ومد ليها الماء تشرب.... كريم: بالشوية عليك أحبي......
وسعات عينيها من ديك حبي هذا تيق راسو..... ميرال: مالك نت كفاش حبي جمع راسك معايا ياكما تيقتي بصح بلي راك خويا وأنا ختك.... مستحيل...
مد ليها الدغمة مسكتها بيها وتكلم بخفوت..... كريم: معلوم نتي غاتكوني شي حاجة كثر من ختي......
سالات ماكلتها وقرب بشفايفو مخرج لسانو كيمسح ليها جناب فمها بطريقة مثيرة خلاها غير مبلقة عينيها وكتشوف بتعجب..... غوتات ونطقات.... ميرال: هننن براكة من الإستغلال......
ضحك على كلامها ناطق.... كريم: نتي مكاتخليش الواحد يتحكم فراسو.....
عوجات فمها ونطقات.... ميرال: زدتي فيه.....
بالعودة لعند نغم لي دوزات الخط لعصام باغا تشبع من صوتو على الأقل كتسنى الوقت يدوز ويرجع ليها بلاما يجيب معاه نازلي..... نغم: ألو عصام.... عصام: وي نغم صافا كلشى مزيان عندك..... نغم: أه الحمد لله ونت؟ عصام: حتى أنا..... نغم: احم توحشتك بزاف......
ابتسم بحيرة ونطق بهمس...... عصام: نغم أنا.... قاطعاتو نغم متفهمة وضعو وأنه ماقادرش يعطيها جواب...... نغم: على بالي بديتي تقلب على نازلي واش كاين شي جديد.... عصام: أه.....
تفكر شنو طرا فالصباح....
🔥فلاش باك🖤
دخلات نازلي وعينيها فالسما حتى لمحاتو واقف ببدلتو الرسمية وعينيه جامدين...
رفعات فيه عينيها باش يبان ليها الشخص لي هربات منو ولاحت عليه خاتم الخطوبة في وجهو....... شاف فيها بجمود ونطق..... عصام: نازلي اش كاديري هنا ؟ نازلي: ونت مالك علاش كتسول نت لي شنو كدير هنا ؟ عصام: أنا لي كنسول هنا..... نازلي: وأنا ماعنديش علاش نجاوبك.... عصام: بلاما تعصبيني أنازلي هضري شنو جابك هنا.... نازلي: جيت نخدم عندك شي مانع.... عصام: تخدمي ؟ نازلي: اه بغيت نولي كاتبة المدير في هاد الشركة.... عصام: لا نتي أكيد حماقيتي.... نازلي: ماكيهمكش.... عصام: خصنا ندويو.... نازلي: ماعندناش فاش.. عصام: نااازلي....
حتى نطق مدير العقود مقاطعهم.... مدير العقود: سيدي هادي هي المساعدة ديالك في هاد الفترة لي غاتقضيها معنا في الشركة......
عصام ونازلي: كفاااش ؟
🌸نهاية الفلاش باك🖤
عصام حاول يخبي عليها الأمر.... عصام: عرفتها ناوية تخدم فشي شركة.... نغم: واش بصح يعني هي كتخطط تبدى حياتها من جديد مزال مامتيقة.... عصام: للأسف مزال ماعرفت شنو خصني ندير..... نغم: هي كتبغيك أكيد عندها شي سبب من غير السبة ديال الخيانة.... عصام: غادي نعرف يكون خير....ناوي ندوي معها.... نغم: تهلى فراسك أوكي.... عصام: أوكي حتى نتي تهلاي فراسك......
#يتبع..... كبيدات خليو أراؤكم وتوقعاتكم 💛🖤💓 ♥❌ أي بنت قرات ومادارتش نجيمة مانسمحليهاش ⛔
Oops! This image does not follow our content guidelines. To continue publishing, please remove it or upload a different image.
