🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الثامن والثلاثون:
حط كريم الكاس فوق الطابلة وقرب من ميرال هي لي بقات غير كتمرمش وهو كيحيد ليها الكاس من يديها.....
قرب كيشم في شعرها وكيمرر يديه على عنقها حتى بورشها...
ميرال: نت شنو كدير واش تسطيتي...؟
نطق بهمس ويديه نزلوا مع ذرعانها من الأعلى للأسفل....
كريم: كتحمقيني أميرال...
ضحكات بهدوء وهي كتحس بيه كيزيد يتمادى بلمساتوا...
ميرال: كريم ماتماداش كثر.....
أما هو فكرة وحدة لي عندو من نهار لي شافها أول مرة في الديسكو....
حط يديه على شفايفها ونطق مقرب شفايفو لعنقها.....
كريم: واش مخلوعة مني....!!
استغربات من نبرة صوتو وطريقته في التعامل معها......
ميرال: كريم.......
ابتسم كريم بسخرية واضع يدو على مؤخرتها ناطق بإستفزاز......
كريم: ميرال شنو المانع من أننا نستمتعوا مع بعضنا ياك هادشي ماشي جديد عليك.......
وسعات عينيها بصدمة......وقفات مبعدة منو وغوتات بحر جهدها رافعة يديها وعاطياه أحسن تصرفيقة..
ميرال: تماديتي بزاف اشنو كيحسابليك راسك.....
هز حاجبو مصدوم من الصفعة لي تلقا ومخنزر في نفس الوقت وقف وعينيه فعينيها رامي عليها ظرف كان على الطاولة.......
هزات الظرف باش تصدم من الصور ديالها مع صديقها وهما قراب بزاف من بعضهم....صور لي تخداو من مدة طويلة.....شنو جابهم ليديه...
نطق بنبرة حادة......
كريم: أنا تحطي عليا يديك... مزال ماتزادت بنت المرأة لي تهز يديها عليا.... عنداك يحسابليك قطعتي الواد ونشفوا رجليك أو غير حيت وليت باغيك غاتبداي تفرعني عليا... ماشي حمق وخا.... يمكن ولفتي التسلگيط...... ولكن من اليوم غانحدو ليك......
وسعات عينيها مصدومة من كلامو هذا زاد فيه ومس بشرفها... يعني هو مازال مابغا يتبدل.... مستحيل تسمح ليه....
هزات يديها وطرشاتو هاد المرة بوتيرة أقوى ونطقات.....
ميرال: مازال ماتزاد الحـ*مار لي يمس بشرفي حيت أنا أشرف منك....وهانت باغيني ولا مانعرف ومن بعد أنا مكنفكرش ندير علاقة مع واحد كيشوفني عاهرة فهمتي بعد مني حسليك......
سكتات كتشوفو كيف ولا بحال الوحش... وهي ضربها بجرية حتى للباب وهو تابعها....
ركبات بالزربة في سيارتها ونطالقات وهي أبدا ماندماناش على كلامها...... ولكن عارفاه بل متأكدة بلي دبا كيتوعدليها بأشد عقاب......
كان هو واقف مزير على قبضة يدو والأعصاب كيغليو فداخلو.... زير على سنانو ناطق.....
كريم: غادي تندمي الكـ*ـلبة....خليتيني حتى بغيتك عاد خليتيني....
#يتبع....... بأنامل: رباب نجمة🔥🖤
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
רומנטיקהلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
