🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الثالث والثلاثون:
وأخيرا خرج لاوي على خصرو فوطة وشعرو فازگ كيقطر أما الجرحة كتسيل بالدم.....
بقات ساهية فيه وخدودها حمرين وصدرها كيطلع ويهبط......
ميرال: ناري الجرحة كتسيل بالدم قرب عندي نداويها ليك.....
ناضت بسرعة جابت علبة ديال الإسعافات الأولية وقربات منو هو لي جلس على السرير كداوي ليه فالجرح بحذر وهو مستمتع بقربها الكبير ليه وبريحتها لي خدرات كيانو وبأنفاسها السخونة لي كضرب فرقبتو بسحر...... خرجاتو من سهوتو ناطقة بنبرة رقيقة متسائلة.......
ميرال: نت گاع ماجاوبتيني؟
نطق بإستغراب كاينظر ليها بعينين مضيقين......
كريم: على شنو ؟
جاوباتو بتساؤل وعينيها على صدرو.....
ميرال: الوشم لي على صدرك واش إسمي ؟
نطق بهدوء.....
كريم: آه........
احمرت خدودها وقلبها تسارعات نبضاتو ناطقة بتوتر.....
ميرال: شنو السبب ؟
سكت لمدة طويلة كايحارب مشاعره وفي لحظة نطق بجملة خلات قلبها يضرب بألم.....
كريم: السبب هو العداوة لي بيناتنا......وشم إسم العدو كايخليك دائما متذكر الدافع لي خلاك توشم إسمو.......يعني هو كايبقا عدو ومستحيل يكون أكثر من هكا.......
وقف بصعوبة خارج بخطوات ثقيلة من الغرفة تاركها مصدومة من كلامو......والسؤال لي جا فبالها...."هكا كايجازيني على وقفتي معاه".......
🦋طلعات شمس يوم جديد يوم حافل بالأحداث الغامضة🍷
فاقت ميرال بعدما قضات ليلة صعيبة بزاف.......اتجهت لغرفة كريم.......حلات البيت لي كان كيف خلاتو الليلة الماضية...... غمضات عينيها بحزن ورجعات لبيتها قادات ملابسها وهزات حقيبتها وخرجات من باب الڤيلا.........
حتى بان ليها ناعس فالجردة على الأريكة قربات ليه ببطئ لقاتو بارد بزاف....... دخلات للڤيلا جابت مانطة غطاتو بيها وطبعات قبلة على خدو وغادرات......
في أحد الملاهي الليلية...... متواجد رجل ثلاثيني وسيم على أحد الكراسي فاقد الوعي وفي يديه قنينة من النبيذ......
فتح عينيها بإستغراب فاش حس بيد رطبة توضعات على كتفو.... توسعوا عينيه الحمراوتين وهو كيشوف فالفتاة لي أمامو.......
مؤيد: نتي !!
نطقات بنبرة رقيقة......
نغم: مؤيد خلينا نمشيو شوف حالتك كيف ولات.......
مؤيد: باش عرفتيني هنا !!
تكلمات بنبرة حادة كاتحاول توقفو....
نغم: ماشي وقت هاد الهضرة......
تكلم بنبرة باحة خلات صوتو يلتاقطوه مسامعها بترحيب.......
مؤيد: شفتي الحالة لي وصلتيني ليها.....
تكلمات بحزن.....
نغم: مؤيد ثيق بيا...... حالتي أسوء من حالتك......
تكلم بسخرية كايخطي بصعوبة وهي مسنداه عليها......
مؤيد: نتي كتبغيه وهو مكيبغيكش وأنا كنبغيك ونتي مكتبغينيش...... ولكن عرفتي أنغم على الأقل نتي عندك أمل تزوجي بيه شي نهار ولكن أنا مستحيل حيت علاقتنا علاقة أخوية حتى واحد ماغايقبل تحول لعلاقة من نوع أخر....... ولكن كنبغيك.... وماكايهمني حتى واحد فيهم الأهم عندي هو نتي......
ابتسمت ناطقة بهمس.....
نغم: مؤيد نت غالي على قلبي........
#يتبع.......بأنامل: رباب نجمة🍷🔥 آراؤكم وتوقعاتكم البنات❤️
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
