جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭

|82|

🔥جَـــحِــــيـــم الـــمــــشْــــرمل🔥

بأنامل: رباب نجمة🌺🖋️

         الجزء الثاني والثمانون:

يوم جديد حامل في طياتو أحداث مختلفة........

كان كريم داخل السيارة في حين ميرال خارجها واقفة قدام السيارة مانعاه من أنه يتحرك..........كتغوت بكل جهدها باش يخرج منها..........
ميرال: كريم عفاك ماتسرعش ونزل من الطموبيل خلينا ندويو.......

غوت بحر جهدو حتى العروق برزو بالأعصاب.....
كريم: حيدي أميرال ولا غانعجنك في بلاصتك.........

بقات كتغوت وتبكي.....
ميرال: عفاك أكريم الأمور كاتحل غير بالعقل ماشي بالإنفعال والدباز نزل خلينا نهضروا..........

تنهد بعمق ونزل زادح الباب حتى وصل عندها......
كريم: حتى أنا غانمشي ندوي معاه غير بالعقل وباللغة لي كايفهم يلاه أميرال ماتزيديش تعصبيني ورجعي للدار...........

بسرعة حطات يديها على صدرو مزيرة عليه......
ميرال: اوا صافي حتى انا غا نمشي معاك........

زير على يديها لي واضعاهم على صدرو ناطق....
كريم: ميرال علاش راسك قاصح.........

طلقات منو وتوجهات راكبة في السيارة......تنهد وتبعها راكب......انطلق بسرعة بإتجاه ڤيلا عصام.........

دخل بخطوات سريعة وميرال موراه كتحاول توصل عليه........

كان جابر وسي لقمان كايفطرو مع عصام ونازلي في الجردة........حتى وقف عليهم كريم بحال قباض الرواح......

ماعطاهمش فرصة فين يستوعبوا وجودو حتى كان كريم شانق على جابر رغم أنه مكايعرفوش ولكن باين واش هو.............

تكلم كريم بغضب قبل مايلكمو بكل قوتو....
كريم: هادي باش عمرك تحط العين على حاجة غيرك............

تدخلات ميرال كتفك و عصام كذلك.....أما نازلي  بعدات خايفة تجي فيها شي دقة وهي حاملة أما سي لقمان كان مخلوع ما فاهم والو والصحة باش يتدخل مكايناش.........

ابتعد كريم على جابر بصعوبة........خرج جابر الدم من فمو ناطق بعصبية.......
جابر: غاندمك على هاد التصرف غانخليك دخل فين تربى..........

مشات ميرال بسرعة عند كريم لي كان تاهو كاينزف من فمو كاتطمن عليه..........

كاع الألفاظ النابية قالهم كريم........

بقات ميرال مصدومة من تواجد نازلي لي قربات منها مربتة على كتفها ناطقة بهدوء.....
نازلي: حاولي تهدنيه في الوقت المناسب غانشرح ليك كلشي.........

#يتبع....بقلم: رباب نجمة❤‍🔥🍷