🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الثاني والثلاثون:
🍷نــغــم🔥
مزال متسطحة على السرير بعيون دامعة.... منين مشات ميرال وهي كتبكي بحرقة.....كتفكر فحياتها لي مامقنعاهاش... كتمنى حياة حسن من هادي مع ناس كيبغيوها بصح.... مامتحملاش يكون الشخص لي كاتعتابرو أخ ليها يكون كيبغيها... هادشي بحد ذاتو كيشجع على الإنتحار هي بغات واحد ولي هو عصام أما الباقي مكيهمش....
هزات الطيلي بين يديها وبقات حايرة واش تتاصل ولالا...لكن فالأخير رجعات عيطات وداز الخط مستقبلة صوتو.....
عصام: ألــو!! نغم....
يلاه بغات تجاوب حتى سمعات صوت أنثوي مألوف وكيف لا وصاحبة الصوت نازلي هي أكثر إنسانة كتكرهـها....
نازلي: عصام خلينا نمشيو....
قطعات الخط أو وجها ولا حمر وعينيها تحقنوا بالدموع.....
نغم: هئ هئ هو أكيد رجع معاها.... هئ هئ وأنا شنو غاندير دبا..... خصني ندير شي حاجة ضروري قبل مايضيع مني عصام.....
🌨️أمــريـ______ـكا🧊❄️
الشتاء خيط من السما والجو بارد... كانت نازلي لابسة فستان أسود قصير وزايدة من فوقو معطف باللون الأحمر... طالقة شعرها ودايرة ماكياج صارخ....
شي لي خلا عصام مايعجبوش الحال وهو كيشوفها بداك اللباس الجريئ وهو رجل شرقي بطبعو كيغير على المرأة كيف مابغات تكون غايبغيها تكون مستورة وهو معها.....
لكن مايقدر يفرض عليها حتى حاجة.... ركبات معاه فالطوموبيل فحين هو جاه إتصال من عند نغم....كان باغي يتكلم معها حتى قطعات.....بلاما يسمع حتى حرف من فمها.....
نازلي: عصام مالك ؟
عصام: لا والو.... غير تاصلات بيا نغم وقطعات بلاما دوي تشوشت عليها....
عوجات نازلي فمها ماعاجبهاش الحال ونطقات....
نازلي: مزال برهوشة مافهمتش مالها على هاد الفعايل...
عصام: نازلي سكتي حسن....
نطالق بسيارتو ناوي يمشي عند صاحبو باش يوصيه يتكلف بالمهمة ديال البحث على معلومات حول الشراكة ديالو مع الشركة الجديدة.....
☀️ ميرال☀️
جالسة على السرير مقابلة مع الحمام كتسناه يخرج....
ميرال: تعطل بزاف......
وأخيرا خرج لاوي على خصرو فوطة وشعرو فازگ كيقطر أما الجرحة كتسيل بالدم.....
بقات ساهية فيه وخدودها حمرين وصدرها كيطلع ويهبط......
ميرال: ناري الجرحة كتسيل بالدم قرب عندي نداويها ليك.....
#يتبع..... بأنامل: رباب نجمة.💓 بنات آراؤكم وفضلا ديروا نجيمات باش ماتوقفش القصة🔱
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
