🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الحادي والسبعون:
جالسة نغم في غرفتها كاتجهز باش تنزل للأسفل وتتعشا مع عمها وعمتها وأزواحهم وأولادهم.......من ديما كاتحس براسها دخيلة لهاد العائلة..........
لبسات فستان فردي فاتح ولامع قصير وفخم........بسميطات رقاق على كتيفاتها البيضين.........خلات شعرها البني مطلوق بحرية على ظهرها......
كانت كاتراقب نفسها من خلال المرآة مفضلة أنها ماتوضعش مساحيق التجميل وتبان على طبيعتها مكتفية فقط بملمع الشفاء باش تبان في منتهى البساطة والبراءة.........
تطرق باب الغرفة باش تدخل الخادمة بعدما خدات الإذن بالدخول.......
الخادمة: لالة نغم العشاء واجد وسي نجيب طالب يهضر معك في أمر ضروري مور العشاء........
بلعات نغم ريقها بقلق محركها راسها بالإيجاب مخلية الخادمة تنصرف......كتفكرفي الأمر لي بغاها فيه......عمها صعيب وكايمقتها وأكيد الأمر مغايكونش هين.......
نزلات للأسفل باش تلقا الجميع مجتمع على مائدة الطعام........كانت عمتها كاترمقها بنظرات البغض والكراهية لاسيما بنتها ياسمين لي كاتبتسم بخبث.........
تعشات معهم في جو مكهرب......هما لي كانوا كايناقشوا في أمور عامة.......
مرة مرة كاتبادل النظرات مع مؤيد لي كايناظرها بنظرات مهووس عاشق عاجباه بطبيعتها ماواضعة حتى نقطة من الماكياج.....كاتبان بريئة وفاتنة........
كايراقبها بإشتياق وعشق بالكاد غادي يفضح أمرو قدام العائلة في حين هي كاتبعد عينيها متوترة وخايفة لايشوفوا شي واحد.........ماباغا حتى واحد يعرف بعلاقتهم في هاد الفترة أما هو ماعندوش مشكل يعرفو لكن مضطر يصبر حتى تبغي أميرتو.........
انتهى العشاء باش ينسحب الجميع وعلى رأسهم عمها وكبير العائلة سي نجيب لي هو الأب ديال مؤيد..........
تنفسات الصعداء باش تمشي للحمام عاد تلتاحق بيه وتعرف الأمر الضروري لي باغيها فيه.........
تقدمات من الصالة بتوتر كبير كاتشوف عمها جالس وفي يظو عكازو الثمين وبجنبو زوجته المحجبة حفصة هي المرأة الوحيدة لي كاتعامل معها مزيان في هاد الڤيلا.......ومتواجدة كذلك عمتها ليالي و بنتها ياسمين..........
استغربات من تجمعهم إذن الأمر مهم بزاف ولكن شنو علاقتها بيه علاش طلب حضورها........
تقدمات جالسة على الأريكة المقابلة لعمها لي جالس في أريكة منفردة وبجنبو أريكة على يدو اليسار جالسة فيه زوجته وختو وبنتها..........
تفاجأت نغم بدخول مؤيد للصالة وجلوسها بجنابها.......
نطق مؤيد وأخيرا كاسر داك الصمت الرهيب لي ركب الرعب في نغم.......
مؤيد: شنو كاين أبابا علاش جمعتينا اليوم.........
تكلم سي نجيب بحدة ضارب بعكازو في الأرض.....
سي نجيب: أنا لي خصني نسولك هاد السؤال شنو كاين بينك وبين نغم..........
#يتبع.......بأنامل: رباب نجمة♠️🔥 آراؤكم كبيداتي🍻🖤 وتوقعاتكم للأجزاء المقبلة👑👇🏻❓
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
