🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الخامس والعشرون:
تسللات أشعة الشمس باش تلامس بشرته البيضاء.......تحركوا شفارو الكثيفة باش يفتح عينيه بصعوبة.......
ناض باش يتجهز ويفطر وتوجه بملابسو الرياضية للخارج باش يجري.........
استمر في الجري لمدة طويلة حتى سمع غوات شي بنت........
قرب كثر من مصدر الصوت بان ليه شخص شاد فشي بنت وهي كاتحاول تفك من القبضة ديالو لكن داك الشخص هاز سلاح أبيض......
قرب كريم باش يشنق على داك الشخص لي غير شافو تخلع وهرب........
قرب من ديك البنت لي كانت مرمية في الأرض..... حاول يساعدها باش تنوض........
كريم:ختي واش نتي بخير ؟
هزات ميرال راسها ببطئ حتى التقت عينيهم ولكن هاد المرة ميرال دغيا بعدات نظرها واقفة بقامتها الطويلة الفاتنة......
ميرال: أنا بخير بالخصوص لا بعدتي عليا فهمتي ؟
ابتسم بسخرية ناطق....
كريم : شنو مخرجك نتي أصلا فهاد الوقت وفي هاد البلاصة ؟
تكلمات ميرال بغضب.....
ميرال: ماكايهمكش ماعندكش الحق دخل فيا......
كريم بحركة سريعة كان لوا ليها يديها حتى قربات تهرس......
كريم: ميرال ماتحاوليش تستافزيني حيت نقدر ندير معك شي حوايج مايعجبوكش......
ابتسمت بإستفزاز مقربة وجها من وجهو ونطقات بصوتها الحاد ونظراتها بين عينيه وشفايفو......
ميرال: كثر من داكشي لي درتي البارح.....
حاولات تبعد يديها منو لكن ماقدراتش......
ميرال: ودبا طلق مني خليني نمشي......
زير ليها على يديها أكثر.......
كريم: وإلا ماطلقتكش أشنو غاديري؟
نطقات بعصبية.......
ميرال: نت غير واحد شمكار كاتستقوى عليا.......
ضغط على معصمها ناطق بحدة.....
كريم: عاودي أش قلتي.....
تكلمات بصوت حاد ومرتفع.......
ميرال: شمكار وغاتبقا في نظري ديما شمكار.......
زير على يديها فور ما عينيها تعمروا بالدموع.......كانوا دموعها بمثابة سكين تغرس فقلبو.... طلق ليها يدها ونطق.......
كريم: تحركي قدامي......
نطقات بإستغراب.....
ميرال: لفين؟
كريم: نوصلك للدار........
بعدات منو ناطقة بغضب......
ميرال: ما محتاجاش ليك قادرة نمشي للدار بوحدي........
كريم: ما بغيتيش بالخاطر ياك.......
ميرال: لا......
هزها بين يديه وهي كاتركل وتعاير ولكن هو صابر ليها وفي نفس الوقت مستمتع بتمردها ومشاكستها.....
نطقات بحدة.....
ميرال: صافي طلقني غانمشي معاك......
حطها على رجليها وعبسات ملامحها ناطقة بهمس.....
ميرال: رجلي كاضرني.......
#يتبع.....بأنامل: رباب نجمة🤤🍷🌺 آراؤكم كبيدات🔥❤️
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
