🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء السابع:
حل عينيه السوداويتين كسواد أيامه لي كاتعاود بدون جديد يذكر........مزاجه سيئ وعقله مليئ بالأفكار المشتتة........خرج من غرفته متجه للمطبخ فين كان فطوره موضوع على الطاولة......
خرج من المطبخ بلاما ياكل اكتفى فقط بشرب كأس من الماء........هز عينيه ناحية الصالة فين كانت الام دياله كاتصلي........جلس على الكرسي الخشبي الموجود مقابل للصالة كايتسناها تكمل صلاتها........
ابتسمت في وجهو ناطقة بنبرة هادئة.....
أم كريم: صباح الخير فايق بكري هاد النهار..........
تكلم كريم بعدما قبل راسها وماد يديه ليديه واضح فلوس بين يديها......
كريم: صباحك مبروك الوالدة هاكي شي فلوس قضي بيهم علاما يسهليا الله فشي خدمة ماحسن........
رفضات تاخدهم من عندو لكن هو كان متشبت بقراره.......خرج من الدار بعدما نطقات كاتدعي معاه.....
أم كريم: الله يسهل عليك أوليدي تنعم بحياة حسن من هادي الله يديك في النجا أولدي......
خرج للخارج وتكا على الحائط، خرج السيجارة دياله ورفيقته في كل مكان وزمان........... وقف عليه شخص بجسد موشوم ومليئ بالخدوش والندوب ناطق......
أمين: وافين أساط غبرتي حتى توحشناك...........
صافحو كريم ناطق بهدوء.....
كريم: هاحنا أخاي أمين مع الوقت مشيت لطنجة نضبر على خدمة دوزت شي شهورة في واحد الشركى وماكتابش نكمل........
نطق أمين بتساؤل......
أمين: وعلاش أصديقي ياك لاباس ؟
تنهد كريم ناطق......
كريم: أودي تشاديت مع واحد المديرة حطات عينها عليا حتى خرجاتني من الخدمة........
ربت أمين على كتافو ناطق بمواساة.....
أمين: هانيا أودي أ كريم يجيب الله ماحسن نت راك بالشواهد ديالك تلقى إن شاء الله شي خدمة تهز بيها الوالدة ماشي بحالي أنا لا قرايا لا صنعة إلا ماسرقتش وضبرت على راسي ماكاين لي يعقل عليا......
تكلم كريم ناطق بهدوء.....
كريم: الله يعفو عليك أصاحبي ويسهل علينا الله فشي خدمة..........
أمين: أمين أخاي كريم.....نخليك دبا عندي واحد البريكول فالليل غانمشي للبلاصة دالڤيلات غاتكون تما شي حفلة غانضبر على راسي تمشي معيا ونقسم مع خويا.........
بقا كايفكر كريم ساهي من جهة ماباغيش يدخل على الوالدة ديالو الحرام ومن جهة ماعندوش باش يشري ليها الدواء......تكلم بقلة حيلة.....
كريم: مشات أ خاي أمين.......
#يتبع...بأنامل: رباب نجمة🌺🖋️ التتمة دبا شوية ❤ خلي رأيك 👇🍭🍒
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
