لأول مرة على شاشة هواتفكم 🍷🍒
بـعـنـوان:🔥جَـــحِــــيـــم الـــمــــشْــــرمل🔥
بأنامل: رباب نجمة🖋️
حصريــــــــا على أســــطــــورات الجــــمـــــان الأســــود🖤
بعض المرات غلط بسيط قادر يقلب حياتنا رأسا على عقب ويغير مجراها لأسوء قدر...
هي فت...
في ديبو قديم في طريق الرباط.....قدام بابو بزاف ديال السيارات ولي گارد كور مطوقين المكان..... في الداخل كان كبير المافيا المكسيكية واقف في وسط جوج ديال لي گارد.... لابس مونطو طويل وصباط كحل لامع......واضع طربوش ديال المكسيكيين وهاز سيكار في يديه كيبخ في كل مرة......
رجل كبير والشيب تمكن من شعرو والتجاعيد سيطروا على ملامحو السمراء....محسن اللحية....ورقيق بالرغم من الكرش الكبيرة لي عندو.....
مد ليه الگارد شنطة جلدية... شدها بين يديه وحلها باش يبانوا فلوس كثيرة مغربية.... زرقة تنطح زرقة.....
في الشق الأخر والمقابل للزعيم وكبير المافيا المكسيكية كان واقف كريم ببدلة رسمية سوداء وبتسريحة رجولية أنيقة... مبيناه رجل أعمال ناجح... لكن هو في حقيقة الأمر تاجر مخدرات مشرمل.....
من وراه واقفين ولاد الدرب لي عاونوه في العملية...... تحلات الشنطة وتحلوا عينين ولاد الدرب عكس كريم لي كان محافظ على وقفتو الصامدة و الثقة بنفسو.... محافظ على داك الجمود لي مالي ملامحوا والغموض لي مخلي شخصيتو كارزمية.....
تبسم كريم ونطق بحدة.... كريم: من ديما كنت راجل وخدمتي متقونة....والفضل كيرجع حتى للدراري ولاد الحومة لي عاونوني..... وكنظن هاد العملية كانت الأولى والأخيرة وهنا غانعطي لراسي حياة جديدة نقية على الوسخ لي لوثني في هاد العالم دالمافيات.....
خوسي: كنت كنتمنى لو كملتي معايا ثيق بيا كنتي غاتكون الفوق وبخير لكن القرار أكيد بيديك أكغيم.....
قرب كريم واخد من عندو الشنطة..... غير شدها بين يديه بداو الطلقات النارية لي ماعرفش مصدرها..... الديبو تقلب والرجال بداو كيطلقوا الرصاص...... هربوا ولاد الحومة مامسوقينش لكريم لي الأغلبية منهم تقاسوا بالرصاص.....
جبد كريم الفردي باش يطلق النار وفي غفلة منو جاتو قرطاسة ختارقات كتفو..... تألم ورجع تخبى ورا واحد البرميل ديال الغاز...... ونطق بألم.... كريم: فااك البوليس.... أش هاد الزهر......
شاف حتى عيا وبدات خطة كتكون في بالو... هو مكايهموه لا ولاد الحومة ولا خوسي ولا المافيا.....إذن يربح حياتو حسن مايخسر كلشي......
وقف كيتمشى محني حتى وصل للباب الخلفي ديال الديبو....بانليه البوليسي غايصوب بإتجاهو لكن هو كان السباق باش يضرب نفس البرميل ديال الغاز لي كان مخبي من وراه..... وبااااق كان إنفجار خلف من وراه غير الموتى......
من مور الإنفجار كان كريم مور الشجرة كينين في صمت والسخاين كتاكل فيه....بوحدو وسط الخلا والقيفار والليل وصوت الكلاب هو لي مسيطر على المكان...رابط كتفو بالكرافاطة وجالس على ديك الشنطة..... مافكرش جوج مرات باش يتاصل بيها......
#يتبع....... بأنامل: رباب نجمة🍷 البنات كيجاكم الأكشن لي درت 🥱 واحد 40 جميلة هنايا❣❌
Oops! This image does not follow our content guidelines. To continue publishing, please remove it or upload a different image.
