🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء السادس والثلاثون:
وقف بالدراجة النارية في مكان بعيد، نزلات ونزل هو موراها........
تقابلوا مع بعضياتهم.......ترددات قبل ماتقرب منو وتنطق بصوت منخفض.......
ميرال: كريم نت علاش كاتصرف معيا هكا.....
شاف فيها بإستغراب ناطق......
كريم: كفاش كانتصرف معك !!
بلعات ريقها ناطقة بحزن.......
ميرال: كاتجاهلني وماكاتجاوبش على مكالماتي......
سكت مطول ونطق بهدوء.....
كريم: ميرال كاتبالغي.......
شافت فيه بطريقة غريبة وقربات منو حتى اختلطت انفاسهم ناطقة بجرأة......
ميرال: واش كاتبغيني ؟
ابتسم جنب ناطق بهدوء.....
ميرال: شنو هاد الحماق كاتقولي.....
حطات يديها على صدرو ناطقة بحدة.....
ميرال: مابقيتش باغا نبقاو هكا حتى حاجة ماواضحة بيناتنا، بغيتك توضحلي واش كاتخس بشي حاجة من جهتي.....
سكتات كاتنتاظر جوابو في حين هو بلع ريقو كايشوف في عينيها ومتفاجأ من كلامها ماتوقعهاش تقول هاد الكلام......
كريم: وشنو غايتبدل إلا كنت حاس بشي حاجة جيهتك.......
تغيرات نظراتها باش تولي لامعة ناطقة بهمس.....
ميرال: غايتبدل بزاف......
تكلم بنبرة باحة خلات قلبها يضرب بسرعة.....
كريم: إلا جاوبتيني نتي على هاد السؤال غاتعرفي باش كانحس جيهتك......
انتظرات لحظة قبل ماتقرب بشفتيها من شفتيه مقبلاهم قبلة سطحية ناطقة بهمس.....
ميرال: كانبغيك.....
جرها من مؤخرة رقبتها واخد شفتيها في قبلة جامحة عميقة مخلية قلوبهم تضرب بسرعة......بعد عليها مخليها تلتاقط أنفاسها ونطق بأنفاس ساخنة.....
كريم: كانبغيك أ ميرال، وليتي بحال شي جرعة يوميا خصني ناخدها، حبك إدمان........
رجع ليها مقبلها بشغف وهي منساجمة معاه حاسة بسعادة لا توصف.......
♠صباح جديد🖤✨
كريم لي ناعس وماحاسش بالدنيا شنو واقع فيها... بعدما دوز ليلة زوينة مع ميرال قدروا يعتارفوا فيها بحبهم لبعضياتهم...بدا كيحل عينيه السود ويديه كيحركهم غير بزز حاس بالفشل....
هز ساعتو يشوف الساعة لقاها العشرة... هذا كامل نعاس....
حك عينيه او وقف بصعوبة غادي بإتجاه الحمام.... خرج لاوي عليه فوطة وكينشف شعرو بفوطة اخرى.... جبد كارو وخرج للشرفة كيكمي وكيتذكر ابتسامتها... مزال ماعرفش طريقو معاها ولا هي عارفة طريقها معاه....
عرفتيني بعدا شنو باغية🎶
واش عارف طريقي فين غادية 🎶
(ديديكاس لأي وحدة سمعات لأغنية منال😂)
تبسم فرحان حيت على الأقل هي فحياتو في الوقت لي خسر صحابوا... مشا بإتجاه الهاتف وهو مزال بديك الفوطة على نصو ودوز الخط لمو لي مشات عطلة لعند ختها كايطمن على أحوالها.......
رجع اتصل بيها هي لي كانت رجعات للڤيلا بعدما رجع خوها، شادة بين يديها داك الظرف لي بلون اصفر ومستغربة حيت ماعليهش الإسم ديال المرسل....
دخلها الشك وفضلات تتأكد قبل مايوصل الظرف لبين يدين خوها....
اتجهت لغرفتها وجلسات مربعة رجليها حتى سمعات هاتفها كيصوني.... تخلعات لايحة الظرف من يديها عاد جاوبات....
ميرال: ألـو.... !!
رد عليها بصوت تعبان خافت....
كريم: ميرال صاڤا ؟
حركات راسها بالإيجاب وكأنه كيشوفها ورمشات بخجل...
ميرال: أه ونت....!!
حرك راسو ونطق..
كريم: توحشتك....
وسعات عينيها بدهشة ونطقات بالزربة...
ميرال: ياك عاد تشاوفنا وزايدون منين جاتك هاد المحنة راني مكنتيقش فيك....
ضحك بصوت رجولي شبه مسموع ورد...
كريم: غادي ثيقي فيا أميرال خليني نشوف وجهك اليوم...غادي نتسناك.....
#يتبع...... بأنامل: رباب نجمة 🌸 آراؤكم كبيدات❤️
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
