لأول مرة على شاشة هواتفكم 🍷🍒
بـعـنـوان:🔥جَـــحِــــيـــم الـــمــــشْــــرمل🔥
بأنامل: رباب نجمة🖋️
حصريــــــــا على أســــطــــورات الجــــمـــــان الأســــود🖤
بعض المرات غلط بسيط قادر يقلب حياتنا رأسا على عقب ويغير مجراها لأسوء قدر...
هي فت...
في ديك الليلة الممطرة كان عصام جالس في الجردة مراقب قطرات المطر مستمتع بداك الجو البارد لي على الأقل كيخفف ولو شوية على المشاعر القاهرة لي حاس بيها..............
قلبو محروق على ختو رغم أنه قسى عليها إلا وأنه خايف عليها وباغي مصلحتها، خايفها ترتكب خطأ تندم عليه حياتها كاملة، خايفها تكون متعلقة بكريم فقط حيت حبها ليه معمر داك الحرمان لي كتحس بيه اتجاه واليديها........
في نفس اللحظات لي كان عصام مشغول بالتفكير في ختو الوحيدة رن هاتفو برقم حاتم سرعان ما لتاقطو ناطق....... عصام: أشنو كاين أ حاتم ؟
~حاتم: قدرت نحدد موقعها، نازلي كاتعشا دبا مع خطيبها في مطعم دنيز فود.......
اتجه بسرعة ناحية الطبلة لي جالسين فيها وجر داك الغطاء لي مغطي ديك الطبلة حتى تهرسو گاع الكيسان والطباسل...........
رفع عينيه ناحية الرجل لي جالس مصدوم من فعلته..........
تكلم داك الشخص بغضب....... الشخص: عصام واش حماقيتي أش هاد الحالة درتي..........
شاف داك الشخص في نازلي محاول يقرب ليها...... الشخص: نازلي واش نتي بخير.........
قبل مايقرب منها كان عصام جرو من الكول دالقامجة عاطيه لكمة قوية لوجهو.............. الشخص: غانوريك شكايسوا عصام........
زاد ضربو من جديد حتى دم داك الشخص خرج من نيفو وفمو......... عصام: نت عارفها ديالي أش داك ليها............
أخيرا قدر داك الشخص يدافع على راسو وبغفلة من عصام كان ضربو داك شخص حتى سال الدم من فم عصام...........
عصام لي ثار غضبو ومابقا كايقشع والو بقا كايضرب فيه بلا رحمة ونازلي كاتغوت وكاتحاول تفكهم......... نازلي: عصام عفاك وقف راك غادي تقتلو...........
أخيرا عصام استجب ليها وبعد منو وضار عندها جارها من يديها وهي كتغوت تكلم عصام مع السرباي وهو خارج......... عصام: رجالي غايتكلفوا بالخسائر وهاد الحتالة عيطوليه على الإسعاف...........
توجه عصام بنازلي للسيارة ونطالق بسرعة حتى لجهة البحر.......نزل ونزلها هي لي كانت كتنتر وكتغوت عليه....... نازلي: طلق مني أعصام واش مكاتفهمش طلق مني.......
#يتبع....بقلم: رباب نجمة❤🔥⚡ آراؤكم كبيداتي🖋
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
