🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الثامن:
في إحدى الڤيلات الفخمة كانت مقامة حفلة معلنة على بداية ليلة صاخبة.........
كانوا جميع الضيوف المراهقين مجتمعين كايرقصوا وكايضحكوا.....هذا هو حال هاد الشلة لي كل نهار كاتعرف حفلة جديدة في ڤيلا ديال كل شخص فيهم.....حفلات تقام بإسم المرح لكن في الحقيقة تشهد العهر والفجور..........
دخلات ميرال بجنب نغم لابسين فساتين ضيقة مبينة أجسادهم مثيرة لأعين الشباب.......
ابتسمت ميرال ناطقة بصوت عالي كاتنافس صوت الموسيقى الصاخب......
ميرال: هاد الحفلة كاتبان زوينة أكيد غاتكون أمسية مميزة......عصام سمحليا نبات مع صاحبتي وهاد الكذبة غاتنفعنا باش ندوزوا ليلة زوينة خلينا نسهروا وننساو كلشي.........
بادلاتها نغم الإبتسامة سامحة لجسدها يتحرك على إيقاع الموسيقى وفي نفس الوقت أفكارها مرتبطة بشخص واحد ولي هو عصام.......
نغم: أه خلينا ننساو كلشي ونعيشوا هاد اللحظات.......
ابتعدات نغم كاتقلب على النادل باش تاخد كأس من الكؤوس الخاصة بالنبيذ وهي كاتذكر أن عصام خرج يتعشا مع خطيبته نازلي لي كاتكرهها من كل أعماق قلبها.......
شربات داك الكأس جغمة وحدة وعينيها احمرت بفعل الدموع لي كاتحاول تكبحهم ماقدراتش تزيد تصبر أكثر وخرجات من ديك الحفلة بإتجاه الجردة كاتمشى بخطوات سريعة...........
جلسات على حافة المسبح حاملة هاتفها بين يديها مطلعة رقمو كاتنظر ليه بحرقة وشوق.......مانتاظراتش بزاف ومررات الخط ملتاقطة صوتو العميق ناطقة بنبرة باكية ناوية تخرب ليلته مع نازلي والعشاء المستفز بالنسبة ليها...
نغم: عصام أنا محتاجة ليك عتقني !!
كانت ميرال كادندن مع الموسيقى وماتشرب من كأس العصير الخاص بيها.....لاحظات إختفاء نغم وبدات كاتقلب عليها بعينيها........
سولات بعض صديقاتها الساقطات باش يخبروها أنها خرجات للخارج.......
خرجات كاتقلب عليها ظنا منها مشات للسيارة تاخد شي حاجة......استغربات من تواجد موطور بالقرب من سيارتها وجوج أشخاص راكبين عليه واوجههم غير واضحة........
ماحسات غير بالموس على رقبتها وظهرها منحني على السيارة.....هي الآن في قبضة شخص مجهول كايهددها باش تحط گاع لي كاتملك.........
أمين: طلعي أزين الفلوس والتليفون سربي راسك قبل مانزوقليك وجهك......
دمعات عينيها والخوف سيطر عليها رغم قوة شخصيتها وعدم خوفها إلا أنها عمرها تحطات في موقف بحال هذا......نطقات بصوت بالكاد قدر يخرج من شفتيها المغريتين.......
ميرال: بعد مني ما عندي مانعطيك.......
ضحك أمين كايشوف في كريم ناطق بمشاكسة....
أمين: واشوفلك أصاحبي هاد القطيطة ماخايفاش على وجها......دبا نتي من جدر عقلك باغا تجابهي معيا.....ياغاتحطي لي عندك يا خلينا نستمتعو بهاد الجمال أش باليك أصديقي هاد الدرية كاتفتن.........
ما قدرات دير حتى حركة من غير أنها تخلي دموعها تنزل بغزارة وتنطق بضعف......
ميرال: غانعطيك لي بغيتي غير بعدوا مني.......
ابتسم أمين ناطق بهدوء.....
أمين: مشى الحال الغزالة عجبتيني وبغيت نذوقك.....أحح على هاد الشفايف كايحمقوا عجبوني فيك........
كان كريم مراقب الوضع وعقل عليها كيف لا وهي نفسها البنت لي حاولات تغريه الليلة الماضية بنظراتها..........
قرب من أمين مرجعو للوراء ناطق بحزم......
كريم: خلي الدرية تمشي......
دفعو أمين ناطق بغضب.....
أمين: الدرية عجباتني ماغانخليها تمشي تانقضي غراضي معها.......
زير كريم على قبضة يديه دافعو بقوة.....
كريم: جمع راسك معيا أ آمين حنا جينا هنا نضبروا على راسنا ماشي نغتاصبوا الدريات.....
وجه أمين الموس في وجه كريم ناطق بإستفزاز.....
أمين: بغيتينا نبقاو مزيانين غادخل سوق راسك ولا غانتخاسروا أ كريم.......
ابتسم كريم جنب وجمع قبضة يديها موجهها بكل قوته في إتجاه أمين مخليه يطيح في الأرض....ناضوا كايدابزوا وكل واحد فيهم كايضرب الثاني بلا رحمة......
ميرال كانت مراقبة المشاحنة لي وقعات فجأة بيناتهم وعينيها على كريم مافكراتش بزاف دالمرات باش تسمح لرجليها يغادروا المكان بكل سرعتها.......
لكن أيدي أمين كانت السباقة باش يجرها وهنا وبغفلة منو كان خشا في جنبها الموس....
وسعات عينيها بصدمة كاتحس بالألم في بطنها وكريم نزل لمستواها مصدوم ومشاعر الخوف والقلق اجتاحت جوارحو.....في حين أمين ركب على الموطور ديالو وهرب.........
#يتبع.....بأنامل: رباب نجمة 🔥 أراؤكم كبيدات أشنو غايوقع لكريم وميرال ؟ التتمة دبا 🌺🖋️
@tout le monde
أنت تقرأ
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
