لأول مرة على شاشة هواتفكم 🍷🍒
بـعـنـوان:🔥جَـــحِــــيـــم الـــمــــشْــــرمل🔥
بأنامل: رباب نجمة🖋️
حصريــــــــا على أســــطــــورات الجــــمـــــان الأســــود🖤
بعض المرات غلط بسيط قادر يقلب حياتنا رأسا على عقب ويغير مجراها لأسوء قدر...
هي فت...
طاح الليل وتزينات السماء بنجومها....وكل واحد دخل لغرفتو كيهيأ نفسو للنوم.... تحت نجوم الليل وسكونو كانت ناعسة متوسدة الربيع....ناعسة في الجردة وكتراقب النجوم وكتسرق الفرصة باش تحسبهم.... راقبات نجم مضوي في السماء مختالف على البقية كان كيلمع وبدات كتفكر في خوها و البعض من دموعها بدات كتنزل......ماحسات غير بشي وقف حداها وتكلم بصوت رجولي حرش....
مؤيد: شكون سارق تفكيرك....
هزات عينيها فيه باش يبانليها مؤيد وسترجعات واحد الذكرى وقعات في الماضي... كفاش دخل كيتسلت للبيت وكيفاش قبل نغم قبلة أبدا ماشي دالأخوة بل قبلة عشق وغرام......
بللات شفايفها بالعة ريقها...... نطقات بصوت مرتجف مبعدة نظرها عليه وجمعات الوقفة..... ميرال: ماكنفكر في حتى حد غير متعودة نراقب النجوم.....
زادت كملات كلامها كتهرب منو..... ميرال: جيت غير باش ناخد نغم معايا مهم غانمشي نشوفها فين مشات.....
وقف حتى هو وعينيه خرجوا بدهشة.... مؤيد: مايمكنش نغم تبات معك خصها تبات فدارها.....
ابتسمت بفقصة وعلات راسها بغرور كتشوف فعينيه مباشرة عيات ماتسكت ولكن صافي الصبر حدو هنا..... ميرال: معلوووم باش تاخد راحتك أولالا!! وتبرد الدودة لي فيك.....
ضحك بعدم فهم كيشوف فيها بنظرات مبهمة.... مؤيد: ميرال واش كضحكي معايا شهاد الهضرة ؟ جايا باغا تفرغي فيا أعصابك ولا كفاش......
نطقات بإبتسامة ساخرة و بتحدي.... ميرال: لا راك فهمتيني مزيان... غير رد بالك مني حيت ميرال ماشي ساهلة كيف كظن الأشخاص لي فحياتها خط حمر.....
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
