جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭

|11|

🔥جَـــحِــــيـــم الـــمــــشْــــرمل🔥

بأنامل: رباب نجمة🌺🖋️

         الجزء الحادي عشر:

نزل مع الدروج داخل للدار بحال الرعدة وقلبو شاعلة فيه العافية.... تلقات ماماه باش تعيطلو يتغدا حتى بعد منها ماباغيش يجاوبها حيت هو دبا معصب.... ماباغيش يتخطى الحدود مع مو حيت فاش كيتعصب مكايبقاش عارف راسو شكايدير ولا شكايخرج على فمو....

دخل لبيتو لي كان داخلو سرير صغير وحداه كوافوز وبجنبو ماريو صغير قاد يهز حوايجو..... لي بالرغم من الحوايج لي عندو ماكرهش يمشي عريان بداك الصدر المكضر لي عندو.......تحنى على رجليه كيشوف من تحت النموسية..... جبد واحد الشنطة جلدية كحلة بحال ديال المسلسلات..... حطها على النموسية وجلس مقابل معها......

فكر شحال قبل مايحلها ويهز منها ساشي صغيرة عامرة بالغبرة.... حلها ودخل صبعو الصغير....مص صبعو كيتدوق مذاق ديك الكوكايين المكسيكية بإمتياز....قدر يميز جودتها العالية وكيف لا وهو خبرة فهادشي دالمخدرات.....

فكر كثر من مرة ولقى الحل الوحيد هو هذا.... رجع الساشي للشنطة وحطها تحت السرير وخرج للبالكون شعل كارو من نوع ماركيز.....حطو بين شفايفو.... كيفكر سارح لبعيد وكيتذكر كل ماجرى في حياتو.... كيفكر شحال دالطريق قطع باش يولي على الحال لي هو فيه.....
كيفاش كان وكفاش رجع..... أشنو دارت ديك الأم المكافحة باش يجازيها بكونوا شمكار مشرمل ماعندو مايخسر....قدامهم شاب مكافح خدام باش ماعطا الله وفي ظهرهم هو شخص مختلف تماما هو شخص خايب.....

علاش هو كايضيع حياتو.....

نزلات دمعة سخونة حارقة قلبو ولكن حتى حاجة مغاتقدرش تمنعوا على لي كيخطط ليه كلشي فسبيل ديك الأم وفسبيل رجولتو وكرامتو لي تهانت بإسم الفقر.......

#يتبع..... حبيباتي نتمنى نلقى تفاعل يحمر الوجه خليو آراؤكم وتوقعاتكم أشنو المخطط ديال كريم ؟؟