لأول مرة على شاشة هواتفكم 🍷🍒
بـعـنـوان:🔥جَـــحِــــيـــم الـــمــــشْــــرمل🔥
بأنامل: رباب نجمة🖋️
حصريــــــــا على أســــطــــورات الجــــمـــــان الأســــود🖤
بعض المرات غلط بسيط قادر يقلب حياتنا رأسا على عقب ويغير مجراها لأسوء قدر...
هي فت...
في مدينة الرباط العريقة وصل بسيارتو الفاخرة لداك الدرب الموسخ.....بلا ما يشوف فيها نطق بصوت هادئ..... عصام: نزلي.....
رمقاتو بنظرات مبهمة حاملة علامات من الإستفهام والإستغراب كتشوف فديك كمية الجمود لي حاصرات وجهو...... نطقات بحدة........ ميرال: واش مغاتدخلش معايا عند الميمة.....
عصام: لا.....طيارتي بقاتليها نصف ساعة باش تقلع يعني مابقاش ليا الوقت بزاف.... تهلاي فراسك أميرال وماديريش المشاكل خليك بعقلك علاما نرجع..... غادي نصفي أموري في الخدمة نتي عارفة هاد الصفقة مهمة ضروري نربحها باش نقدر ندخل شريك مع أكبر شركة للمعلوميات.....
شد يديها بين يديه مقبلها بحرارة ونطق بحب..... عصام: نتي ختي الصغيرة وعلى قبلك كندير هادشي...عارفك مقلقة على قبل علاقتي مع نازلي.... ولكن ثيقي بيا كلشي غايولي مزيان......
حركات راسها بالإيجاب وتبسمات ليه بحب كبير معنقاه بكل قوتها..... ونطقات بهدوء..... ميرال: أسبوعين كيف والو دغيا يدوزوا وخا غادي نتوحشك غادي نصبر راسي وفكل ليلة غادي نشوف فداك النجم لي كيبري فالسما وغادي نتسناك حيت عارفاك حتى نت غادي تشوف فيه......
ابتسم ليها ونطق... عصام: مزالة عاقلة...... ميرال: معلوم على أنا نقدر ننسا الجزء المهم من طفولتنا.... فاش تفارقوا والدينا كانوا كيدابزوا على الحضانة ديالنا.... وكانوا فرقونا نت بقيتي مع بابا وأنا مع ماما.....وفداك النهار قلتيلي نبقى مراقبة واحد النجم مختالف على باقي نجوم السماء وغير غانراقبو غانحس بيك وبشنو باغي تقول ليا.......
ضحكوا على دوك الأيام او ودعوا بعضياتهم....... نزلات من السيارة غارسة كعبها العالي فأرضية داك الدرب..... كتمشى بكل شموخ مامسوقاش لنظرات دوك الشباب لي واقفين حاضيين الداخلة والخارجة.... بلا شغل ولا مشغلة.....
وصلات للباب لي كان من الحديد وحداه الغرس بزاف....باينة فديك الدار نقية وصاحبها ثري على باقي السكان.......
دقات جوج دقات باش تحل ليها مرأة في عقدها الستين.....لابسة بيجامة طويلة ولايحة شال على شعرها الأبيض.... ابتسمات حتى بانوا سنانها البيضين..... والغمازات برزوا على خدها رغم سنها المتقدم..... ونطقات معنقة ميرال...... الحاجة ياقوت: ميرال هادي نتي أبنتي توحشك..... ميرال: إوا نتي مابغيتيش تجي تعيشي معنا قلت مع راسي نجي أنا...... الحاجة ياقوت: درتيها زوينة أش خبارك ؟ وعلاش ماجاش معك ولدي عصام..... ميرال: نتي عارفاه من صفقة لصفقة.... وقتو خداتو ليه الخدمة مكايساليش...... الحاجة ياقوت: الله يعاونوا ويسهل عليه.... دخلي أبنتي ماتبقايش واقفة.....
جرات الشانطة ديالها ودخلات للداخل جلسات في وسط الدار على السداري....كانت جليسة أنيقة وزوينة وفالوسط خصة صغيرة...... ميرال: جداتي فين غانحط حوايجي..... الحاجة ياقوت: بيتك مزال كيف خليتيه.....
ميرال باست على راسها ونطقات..... ميرال: يخليك ليا أجداتي العزيزة لي لقيت فيها الخير على واليديا.......
#يتبع......... بنوتاتي آراؤكم وشنو السر من مور مجيئ ميرال لهاد الدرب🖤🌸ديروا نجيمات باش نكمل مايمكنش نكمل بلا آراء وتوقعات❤️
Oops! This image does not follow our content guidelines. To continue publishing, please remove it or upload a different image.
