🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء الخامس والأربعون:
طاح الظلام وتزينات السماء بنجومها......
كانت نغم في الشارع لي كايأدي للڤيلات راجعة على رجليها للڤيلا بعد نهار طويل لأن سيارتها في الصيانة.....
ماحسات غير برجل واقف أمامها وكايناظرها نظرات إعجاب ناطق......
الشخص: أنسة في جمالك ماخافتش تمشى بوحدها في هاد الليل.....
وقفات سيارة مؤيد بالقرب منهم ونزل منها رغم أنه سكران الا وعاقل على راسو وشنو ضاير بيه....يمكن حيت ولف جسمو الشراب ومابقاش تأثيرو كبير عليه....
هز عينيه الحمرين والمتورمين كيشوف فيها كفاش كتحاول تبعد عليها داك الشخص لي كيتحرش بيها.... ماستحملش ومشا ناحيتهم بسرعة.....
تقدم ناحيتهم وهذاك الشخص مزال كيحاول يقرب منها ويتلمس فيها رغم محاولاتها باش يبعد لكن ماقدراتش نفسها...والتعب مخلي حركاتها فاشلين.....
ماحسات غير بالظل ديالو وريحتو لي تغلغلات داخل أنفها... رفعات عينيها بدهشة والإحمرار كتاسح خدودها المرفوعة والإبتسامة بدات كترسم وهي كتشوفو كفاش كيضرب فداك الشخص لي كان كيتحرش بيها.....
وقفات جنبهم كاتشوف في مؤيد كايضرب فيه بعنف وقربات منو كاتحاول تجبدو عندها........
نغم: مؤيد عفاك براكة غادي تقتلو.......
مابغاش يطلق منو كان كايضرب فيه وكايتكلم بدون وعي.....
مؤيد: غانهرسليك اليدين لي يقيسوا فيها.....كانحلف ليك غانجبد العينين لي شافوا في ملكي.....
كان مؤيد كيضرب بكل قوتو كيبرد فيه الأعصاب لي ركبوه فاش شافو قريب من نغم.....
عيات تجر فيه ماطلق منو حتى خلاه جثة هامدة مغيب......ماحسات غير ملامس يديها وجارها من خصرها متجه بيها لسيارتو....
تكلمات بإرتجاف....
نغم: مؤيد وقف راك قصحتيني.....
وقف وشاف فيها بنظرة خطفات روحها وخلعاتها....
تخلعات لكن رجعات غوتات في وجهو...
نغم: واش حماقيتي راك رجعتي السيد حالتو على الأقل خلينا نطلبوا الإسعاف....
نطق بعصبية وهو شاد خصرها بين يديه بجوج مزير عليه....
مؤيد: بقا فيك......مكايهمنيش يموت ولا يعيش ولكن كانتمنى ليه الموت حيت قرب منك......دبا بغيت ننفارد بيك واش عندك شي إعتراض....!!
بقات كتشوف فيه مدة قبل ماتوضع يديها على يديه....
نغم: نت سكران !!
ابتسم ناطق بهدوء.....
مؤيد: سكران بغرامك أنغم.....
جرها غادي بيها نحو السيارة ركب ولصق فيها كيقاد ليها الصمطة أما هي سرحات مع الريحة لي داير عاجبها قربو وساهية فعينيه.....
#يتبع.......بأنامل: رباب نجمة🍷🔥
YOU ARE READING
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romanceلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
